Моҳи ноябр «Сомон Эйр» ба Минск ва Алмаато 6 парвози чартерӣ анҷом медиҳад

Ноябрь 7, 2020 10:09

ДУШАНБЕ, 07.11.2020 /АМИТ «Ховар»/. Моҳи ноябр ширкати ҳавопаймоии «Сомон Эйр» дар самти Душанбе-Минск-Душанбе ва Душанбе-Алмаато-Душанбе 6 парвози чартерӣ анҷом хоҳад дод, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.

Қарори анҷом додани парвозҳои чартерии мазкур аз ҷониби Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ  ва  пешгирӣ  аз паҳншавии  сирояти коронавируси COVID-19 қабул гардид.

Вазорати корҳои хориҷии Тоҷикистон ба таваҷҷуҳи ҳамватанон мерасонад, ки ҳангоми ба нақша гирифтани сафар ба Ҷумҳурии Беларус ва Ҷумҳурии Қазоқистон бояд мустақилона талаботи махсус, аз ҷумла дорои хусусияти санитарию эпидемиологиро, ки ҳангоми вуруд ба ин кишварҳо пешниҳод карда мешаванд, ба назар гиранд.

«Ҳангоми ворид шудан ба Ҷумҳурии Тоҷикистон шаҳрвандон бояд бо худ маълумотномаи мавҷуд набудани сирояти коронавирус, ки тавассути санҷиш бо усули реаксияи занҷири полимеразӣ (ПТР) гирифта шудааст ва на дертар аз 96 соат (4 рӯз) пеш аз омадан омода гардидааст, дошта бошанд. Кӯдакони то 3-сола аз пешниҳоди маълумотнома озод мебошанд», — омадааст дар иттилоияи ВКХ ҶТ.

Бояд тазаккур дод, ки парвозҳои чартерии мазкур дар мувофиқа бо мақомоти Беларус ва Қазоқистон анҷом дода мешаванд.

Парвозҳои чартерии зерин дар моҳи ноябр ба нақша гирифта шудаанд:

— 8 ноябр, Душанбе-Минск-Душанбе;

— 15 ноябр, Душанбе-Минск-Душанбе;

— 16 ноябр, Душанбе-Алмаато-Душанбе;

— 22 ноябр, Душанбе-Минск-Душанбе;

— 28 ноябр, Душанбе-Алмаато-Душанбе;

— 29 ноябр, Душанбе-Минск-Душанбе.

 

 

АКС аз бойгонӣ

Ноябрь 7, 2020 10:09

Хабарҳои дигари ин бахш

Дар Женева дастовардҳои Тоҷикистон дар самти соддагардонии расмиёти савдо муаррифӣ карда шуд
Байни Ҷумҳурии Тоҷикистон ва Бонки Аврупоии Сармоягузорӣ Ёддошти тафоҳум ба имзо расид
Туркия аз имзои Шартномаи таърихии сеҷониба ва Эъломияи Хуҷанд доир ба дӯстии абадӣ истиқбол намуд
Давлати Кувайт Шартномаи таърихии сеҷониба ва Эъломияи Хуҷандро намунаи ибрат номид
Дар Женева Ҷашни байналмилалии Наврӯзро таҷлил намуданд
Сафири Тоҷикистон бо роҳбарияти ширкати YG-1 Co., LTD Ҷумҳурии Корея мулоқот намуд
Русия аз имзои Шартномаи таърихии сеҷониба ва Эъломияи Хуҷанд доир ба дӯстии абадӣ истиқбол намуд
Қатар аз имзои Шартномаи таърихии сеҷониба ва Эъломияи Хуҷанд доир ба дӯстии абадӣ истиқбол намуд
Иди байналмилалии Наврӯз дар Қароргоҳи СММ дар шаҳри Вена таҷлил гардид
Рустам Минниханов: «Тотористон бо минтақаҳои Тоҷикистон фаъолона ҳамкорӣ менамояд»
ИМА имзои Шартномаи сеҷонибаи сарҳадиро байни Тоҷикистон, Қирғизистон ва Узбекистон истиқбол намуд
Президенти Тоҷикистон Эмомалӣ Раҳмон дар нишасти сарони давлатҳои Осиёи Марказӣ — Иттиҳоди Аврупо иштирок менамоянд