Вазири фарҳанги Тоҷикистон дар ҷаласаи 35-уми Шӯрои ҳамкории фарҳангии кишварҳои узви ИДМ ширкат варзид

Ноябрь 19, 2020 17:40

ДУШАНБЕ, 19.11.2020 /АМИТ «Ховар»/. Соли 2021 ба шаҳри Душанбе мақоми «Пойтахти фарҳангии Иттиҳод» дода мешавад. Ин нукта 18 ноябр дар ҷаласаи ХХХV Шӯрои ҳамкории фарҳангии кишварҳои узви ИДМ, ки ба таври онлайн баргузор шуда, Тоҷикистонро дар он Вазири фарҳанги мамлакат Зулфия Давлатзода намояндагӣ намуд, баён гардид.

Дар ин бора аз Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд.

Вазири фарҳанги мамлакат  Зулфия Давлатзода доир ба пурзӯр шудани мубодилаи фарҳангии кишварҳо, ҷараёни Барномаи тадбирҳои асосии ҳамкории кишварҳои узви ИДМ дар соҳаи фарҳанг барои солҳои 2016-2020, таҷлили 75-умин солгарди Ғалабаи бузург, омодагии пойтахти мамлакат — шаҳри Душанбе ба мақоми «Пойтахти фарҳангии ИДМ дар соли 2021» сухан гуфт.

Дар ҷаласа намояндагони Арманистон, Озарбойҷон, Беларус,  Қазоқистон, Қирғизистон, Молдова, Россия, Тоҷикистон, Ӯзбекистон, Туркманистон, Осорхонаи миллии таърихии Ҷумҳурии Беларус, Академияи мусиқии Россия ба номи Гнесинс, Кумитаи байналмилалии Делфӣ ва Кумитаи иҷроияи ИДМ ширкат варзиданд.

Дар ҷараёни ҷаласа оид ба имкони баргузории Намоишгоҳи байналмилалии «ART EXPO» -и кишварҳои узви ИДМ дар солҳои 2020-2022 ва дигар масъалаҳои мубрами соҳаи ҳамкории фарҳангӣ эълом карда шуд. Инчунин зикр намуданд, ки Ҷумҳурии Тоҷикистон ҳамгироии башардӯстонаро ҳамаҷониба дастгирӣ менамояд, ташаббусҳо ва лоиҳаҳои назаррасро дар соҳаи фарҳанг фаъолона таблиғ ва дар амал татбиқ менамояд, ки ба пур кардани ҳамкории фарҳангӣ дар фазои Иттиҳод равона карда шудаанд.

Намояндагони кишварҳои Иттиҳод бо назардошти ҳолатҳои пандемия ба татбиқи Барномаи «Чимкент — Пойтахти фарҳангии Иттиҳод-2020» баҳои мусбат доданд. Ҳамчунин иштирокчиёни ҷаласа лоиҳаҳои Консепсияи Осорхонаи виртуалии мероси фарҳангии кишварҳои ИДМ ва Нақшаи тадбирҳои асосии таъсис ва рушди Осорхонаи виртуалиро ба таври умум маъқул дониста, тасмим гирифтанд, ки лоиҳаи Низомномаи осорхонаро таҳия кунанд. Гуфта шуд, ки дар сайти Кумитаи иҷроияи Иттиҳод дар асоси пешниҳодҳо сафҳа (бахш)-ҳои осорхонаҳо, ки дар веб-маъхазҳои худ нигораҳои виртуалӣ доранд (cis.minsk.by/museums), ташкил карда шудаанд.

Ҳамчунин аъзои Шӯро масъалаҳои ҳамкории байналмилалии донишгоҳҳои санъати давлатҳои аъзои ИДМ, ҳамкорӣ дар соҳаи ҳифз ва барқароркунии мероси хаттӣ, оммавӣ гардонидани фарҳангҳои миллӣ ва якчанд масъалаҳои дигарро баррасӣ намуданд.

Дар интиҳои ҷаласа қарор қабул гардид, ки ҷаласаи навбатии Шӯрои ҳамкории фарҳангии кишварҳои Иттиҳод соли 2021 дар Ҷумҳурии Беларус дар доираи раёсати он дар ИДМ баргузор шавад.

Ноябрь 19, 2020 17:40

Хабарҳои дигари ин бахш

ТИКА ба Радиои «ҒМ–Ховар» таҷҳизоти муосир тақдим мекунад
Коршиносони Кумитаи забон ва истилоҳот 61 ҳазору 500 истилоҳро мавриди баррасӣ ва мувофиқа қарор доданд
«ЗИ ҶӮЕ, КИ ХУРДӢ АЗ ОН ОБИ ПОК…». Экожурналистҳо соҳили дарёи Варзобро аз партовҳо тоза намуданд
Донишгоҳи техникии Тоҷикистон мавқеи худро дар рейтинги ҷаҳонӣ 3 734 зина боло бурд
Дар Хатлон даври дуюми Озмуни ҷумҳуриявии «Тоҷикистон-Ватани азизи ман» оғоз ёфт
ИҶЛОСИЯИ 44-УМИ КУМИТАИ МЕРОСИ ҶАҲОНИИ ЮНЕСКО ИДОМА ДОРАД. 16 иншооти Тоҷикистон чун номзад барои шомилшавӣ ба Феҳристи мероси ҷаҳонии ЮНЕСКО пешниҳод шудаанд
Хонандаи тоҷик дар Олимпиадаи ҷаҳонӣ аз фанни биология (IBO-2021) соҳиби медали биринҷӣ гардид
Миёни Донишгоҳи давлатии Бохтар ва Донишгоҳи Тирмиз созишномаи ҳамкорӣ ба имзо расид
Дар Қароргоҳи ЮНЕСКО, Беларус ва Амороти Муттаҳидаи Арабӣ Рӯзҳои фарҳанги Тоҷикистон баргузор мегарданд
«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон
Новобаста ба пандемия ва авзои амниятии Афғонистон беш аз 125 ҳазор нафар сайёҳони хориҷӣ аз Тоҷикистон боздид карданд
Зиёда аз 200 нафар хонандагони мактабҳои Хоруғ дар лагерҳои академӣ ба таълиму истироҳат фаро гирифта шудаанд

Маводҳои таҳлилӣ