Ҷаласаи 11-уми Комиссияи байниҳукуматии Тоҷикистон ва Чин оид ба ҳамкории тиҷоративу иқтисодӣ тариқи видеоконфронс баргузор шуд

Декабрь 9, 2020 09:18

ДУШАНБЕ, 09.11.2020 /АМИТ «Ховар»/. 8 декабр таҳти ҳамраисии Вазири рушди иқтисод ва савдои ҷумҳурӣ Завқӣ Завқизода ва муовини Вазири савдои Ҷумҳурии Мардумии Чин Юй Цзянхуа ҷаласаи 11-уми Комиссияи байниҳукуматии Тоҷикистон ва Чин оид ба ҳамкории тиҷоративу иқтисодӣ дар шакли видеоконфронс баргузор гардид.

Зимни ҷаласа Завқӣ Завқизода иброз дошт, ки бо шарофат ва иродаи олии сиёсии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин Си Ҷинпин ҳамкории стратегии давлатҳои мо ба сатҳи баланд баромада, самтҳои афзалиятнокро дар бар мегиранд.

Чин сеюмин шарики тиҷоратии Ҷумҳурии Тоҷикистон ба ҳисоб рафта, дар сармоягузории соҳаҳои иқтисоди миллӣ ҳиссаи назаррас дорад. Соли 2019 гардиши савдои хориҷии Ҷумҳурии Тоҷикистон бо Ҷумҳурии Мардумии Чин 660,9 млн. долларро бо вазни хоси 14,6 % дар гардиши савдои хориҷӣ ташкил дод.

Дар доираи созишномаҳои техникӣ солҳои 2018-2019 аз ҷониби Чин барои рушди инфрасохтори иҷтимоию иқтисодии мамлакат 1 млрд. 700 миллион юан маблағ ҷалб карда шудааст.

Зимни ҷаласа ҷонибҳо ба мувофиқа омаданд, ки барои тезонидани раванди татбиқи лоиҳаҳои инфрасохторӣ тадбирҳои зарурӣ меандешанд, аз ҷумла ҷониби Чин мутахассисони дигари худро ҳарчи зудтар барои таъмини кори саривақтии сохтмони «Бинои нави Парламент ва маҷмааи Ҳукумати Ҷумҳурии Тоҷикистон», инчунин таҷдиди роҳҳои дохилишаҳрии Бохтар ва Кӯлоб, қитъаи Кӯлоб-Мӯъминобод равона менамояд. Инчунин аҳамияти таҷдиди кори «Ширкати истихроҷи маъданҳои Тоҷикистону Хитой» ба миён гузошта шуд.

Ҷониби Чин иттилоъ дод, ки аллакай зиёда аз 1000 нафар мутахассисон барои таъмини корҳои лоиҳаҳои зикргардида ба Ҷумҳурии Тоҷикистон ҷалб шуда, фаъолият бурда истодаанд.

Ҳамзамон ҷонибҳо барои рушди ҳамкории дуҷониба, амиқгардонии шарикӣ, бахусус татбиқи лоиҳаҳои сармоягузорӣ дар самтҳои афзалиятнок, аз ҷумла саноатикунонии мамлакат, таъсиси корхонаҳои саноатӣ, рушди инфрасохтори логистикию содиротӣ, татбиқи иқтисоди рақамӣ, ташкили паркҳои технологӣ ва ғайра бо ҷалби сармояи Чин дар Тоҷикистон ба мувофиқа расиданд.

Ҷонибҳо омодагии худро барои густариш ва истифодаи самараноки ҳамкории дуҷониба дар масъалаҳои соҳаҳои гуногуни иқтисодӣ изҳор намуданд.

Аз натиҷаи ҷаласа Протокол ба имзо расонида шуд.

Декабрь 9, 2020 09:18

Хабарҳои дигари ин бахш

Ҳайати соҳибкорони Амрико ба Тоҷикистон меояд
КИРМАКПАРВАРӢ. Хоҷагиҳои ноҳияи Рашт истеҳсоли 21 тонна пиллаи хушсифатро ба нақша гирифтаанд
Дар филиали Корхонаи воҳиди давлатии «Тоҷикаэронавигатсия» дар шаҳри Кӯлоб низоми нави АПР DF 2000 ҷорӣ карда мешавад
Дар Душанбе Форуми тиҷоратӣ ва сармоягузории Тоҷикистону Чин баргузор шуд
Дар Остона ҷаласаи 4-уми вазирони энергетикаи давлатҳои аъзои Созмони ҳамкории Шанхай баргузор шуд
Имрӯз таҳти раёсати Сарвазири Тоҷикистон Қоҳир Расулзода ҷаласаи солонаи саҳмдорони Неругоҳи барқи обии «Роғун» баргузор шуд
Дар Душанбе масъалаи кумаки бебозгашти техникии Чин ба Хадамоти гумруки Тоҷикистон баррасӣ гардид
Сокини ноҳияи Ҷайҳун аз замини наздиҳавлигиаш ҳосили сеюми бананро ҷамъоварӣ мекунад
Дар Душанбе оид ба дурнамои рушди энергетикаи барқароршаванда дар Тоҷикистон конференсия баргузор мешавад
Имсол корхонаи «Оби зулол»-и шаҳри Истаравшан ҳаҷми содироти маҳсулотро зиёд намудааст
НАМОИШГОҲИ БАЙНАЛМИЛАЛИИ САВДО «СУҒД-2024».Дар он молу маҳсулоти 200 корхонаю ширкатҳои истеҳсолӣ муаррифӣ гардид
Конфронси Гурӯҳи корӣ оид ба ҳамкории авиатсияи граждании Чин ва Осиёи Марказӣ (C5+1) баргузор гардид