Дар Душанбе Лоиҳаи «Таҳкими омори демографӣ дар Тоҷикистон» натиҷагирӣ гардид
ДУШАНБЕ, 21.12.2020 /АМИТ «Ховар»/. Лоиҳаи «Таҳкими омори демографӣ дар Тоҷикистон» барои рушди иқтидори миллии Тоҷикистон оид ба истифодаи омори демографӣ ҷиҳати беҳтар намудани дурнамои дарозмуддат ва моделсозӣ дар ин самт, инчунин барӯйхатгирии аҳолӣ ва фонди манзил дар Ҷумҳурии Тоҷикистон, ки аз 1 то 15 октябри соли 2020 баргузор гардида буд, равона шудааст. Ин нукта дар маросими расмии ҷамъбасти натиҷаҳои солонаи татбиқи Лоиҳаи намояндагии Хазинаи нуфуси СММ дар Тоҷикистон (UNFPA) «Таҳкими омори демографӣ дар Тоҷикистон» дар соли 2020, ки дар Вазорати рушди иқтисод ва савдои ҷумҳурӣ доир гардид, зикр шуд.
Дар нишаст аз ҷониби намояндагони Хазинаи нуфуси СММ муаррифии умумии лоиҳаи мазкур баргузор гардида, оид ба корҳои анҷомдодашуда дар соли 2020 ҳисобот дода шуда, нақшаҳо барои соли 2021 рӯнамоӣ гардиданд.
-Дар нақшаи солҳои 2021-2023 гузаронидани курсҳои омӯзишӣ ҷиҳати тақвияти неруи дурнамосозӣ ва моделсозии мутахассисони вазорату идораҳои дахлдор дар мамлакат ва дигар чорабиниҳо дар самти тақвияти омори демографӣ пешбинӣ шудааст,- зикр шуд зимни нишаст.
Аз Вазорати рушди иқтисод ва савдои ҷумҳурӣ ба АМИТ «Ховар» иттилоъ доданд, ки дар маросими ҷамъбасти натиҷаҳои солонаи татбиқи лоиҳаи мазкур муовини якуми Вазири рушди иқтисод ва савдои ҷумҳурӣ Ашӯрбой Солеҳзода, Сафири Фавқулода ва Мухтори Федератсияи Россия дар Ҷумҳурии Тоҷикистон Игор Лякин-Фролов, Роҳбари дафтари UNFPA дар Тоҷикистон Наргис Раҳимова, муовини Вазири меҳнат, муҳоҷират ва шуғли аҳолӣ Шаҳноза Нодирӣ, муовини директори Агентии омор Қиёмиддин Давлатзода, намояндагони Институти иқтисодиёт ва демографияи Академияи миллии илмҳои Тоҷикистон ва дигар сохторҳои давлатӣ иштирок ва сухан карданд.
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
