Дар Хатлон 5000 нусха китобҳои пешниҳоднамудаи Нашриёти «Адиб» дар 2 соат харидорӣ шуданд
ДУШАНБЕ,12.12.2020/АМИТ «Ховар»/. Дирӯз дар саҳни бинои Донишгоҳи давлатии шаҳри Бохтар ба номи Носири Хусрав бо ташаббуси Нашриёти «Адиб» намоиш-фурӯши китобҳои тозанашр баргузор гардид. Мояи ифтихор ва хушҳолист, ки давоми ду соати баргузории ин намоиш-фурӯш 5000 нусха китобҳои пешниҳоднамудаи муассисаи мазкур пурра ба савдо рафтанд, ки ин бори дигар аз муҳаббати беандозаи ҳамватанони мо ба китоб ва арҷгузорӣ ба он дарак медиҳад.
Тавре директори Нашриёти «Адиб» Давлат Сафар ба хабарнигори АМИТ «Ховар» иттилоъ дод, дар намоиш-фурӯши китоб намояндагони соҳаҳои мухталифи шаҳру ноҳияҳои минтақаи Бохтари вилояти Хатлон ҷамъ омада, асарҳои писандидаи хешро дарёфт мекарданд ва шоиру нависандагони маъруфи тоҷик аз наздик шинос шуда, дар китобҳои харидаашон соядаст мегирифтанд.
«Бахусус аз фаъолнокии омӯзгорону донишҷӯёни Донишгоҳи давлатии шаҳри Бохтар бо роҳбаладии ректори муасисса Сайфиддин Давлатзода дар ин намоиш –фурӯши китоб ба ваҷҳ омадем. Таваҷҷуҳи ихлосмандон ба осори тозанашри адибони классику муосири тоҷику форс ва ҷаҳон манзараи боварнокарданиро мемонд. Ҳозирин дар талоши интихоби китоб чунон саргарм шуданд, мисли шахсе, ки муддати тӯлонӣ ғизо нахӯрда бошад. Кош, ҳама муассисаҳои таълимӣ ба китобу китобхонӣ чунин муносибат мекарданду роҳбаронашон мисли Давлатзода Сайфиддин масъулиятшинос мебуд. Ана инро мегӯянд, ҳамовозӣ ба дастури Паёми солонаи Президенти Ҷумҳурии Тоҷикистон муҳтарам Эмомалӣ Раҳмон ҷиҳати ҷалби толибилмон ба китобу китобхонӣ»,- афзуд Давлат Сафар.
Раиси Иттифоқи нависандагони Тоҷикистон Низом Қосим, адибони шинохта Камол Насурулло, Абдуғаффори Абдуҷаббор, Озар, Акбар Абдулло ва Рустами Хомарахш, ки дар ин маъракаи фарҳангӣ ширкат доштанд, аз таваҷҷуҳи масъулини мақомоти иҷроияи ҳокимияти давлатии шаҳри Бохтар ва вилояти Хатлон ҷиҳати дастгирӣ намудани иқдоми навбатии Нашриёти АДИБ, ки дар партави Озмуни ҷумҳуриявии «Фуруғи субҳи доноӣ китоб аст» сурат мегирад, изҳори хушҳолӣ карданд.
Дар намоиш-фурӯши китоб ҳунармандони шинохта Чилахон Холов ва Амриддини Кабир бо сурудҳои дилнишин хотири ҳамагонро шод гардонида, ба он шукуҳи хосса бахшиданд.
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
