Дар Хатлон бо иштироки муовини Сарвазири мамлакат Усмоналӣ Усмонзода ҷаласаи Ситод оид ба зимистонгузаронӣ доир шуд

Декабрь 4, 2020 11:02

ДУШАНБЕ, 04.12.2020/АМИТ «Ховар»/. То 1-уми декабри соли равон нақшаи зимистонгузаронӣ дар соҳаи маорифи вилояти Хатлон  беш аз сад фоиз иҷро гардида, 579 муассисаи таълимӣ дар вилоят ба хатти озоди барқ таъмин ва шишабандии муассисаҳо низ пурра иҷро шудааст. Чунин зикр шуд дар ҷаласаи Ситоди ҷумҳуриявӣ оид ба иҷрои қарори Ҳукумати Ҷумҳурии Тоҷикистон аз 31 марти соли 2020, №199 “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021», ки таҳти роҳбарии муовини Сарвазири Ҷумҳурии Тоҷикистон Усмоналӣ Усмонзода 2 декабр баргузор гардида, дар он омодагӣ дар вилояти Хатлон ва шаҳру ноҳияҳои он ба зимистонгузаронӣ мавриди баррасӣ қарор дода шуд.

Дар ҷаласаи ситод ҳамзамон роҳбарони якчанд вазорату кумитаҳо ва ниҳодҳои ҷумҳуриявӣ, муовинони раиси вилоят, масъулони мақомоти иҷроияи ҳокимияти давлатии вилояти Хатлон, раисони шаҳру ноҳияҳо, роҳбарони шабакаҳои барқ, муассисаҳои тандурустии шаҳру ноҳияҳо  ширкат намуда, ҷараёни омодагии шаҳру ноҳияҳои вилоятро ба давраи зимистон мавриди баррасӣ қарор доданд.

Муовини Сарвазири Ҷумҳурии Тоҷикистон доир ба натиҷаҳои санҷиши ҷараёни омодагиҳо ба зимистонгузаронӣ, ки аз ҷониби гурӯҳи корӣ анҷом дода шуд, сухан  карда, гуфт, ки роҳбарони шаҳру ноҳияҳо ва гурӯҳҳои корӣ барои иҷрои нақшаи зимистонгузаронӣ бояд дар якҷоягӣ бо идораву муассисаҳо корҳоро ҷоннок намоянд.

Зикр шуд, ки нақшаи захираи маҳсулоти кишоварзӣ дар вилоят то 95 фисад иҷро гардидааст ва ба иттилои масъулин, тайи чанд рӯзи оянда иҷрои нақша барзиёд таъмин хоҳад шуд.

Ҳамчунин нақшаи захираи регу намак дар муассисаҳои давлатии идораи роҳсозии шаҳру ноҳияҳо пурра иҷро гардида, техникаҳо дар ҳолати омодабош қарор доранд.

Ҳолати зимистонгузаронӣ дар шабакаҳои барқи ҷанубӣ ва шаҳру ноҳияҳои вилоят ба ҳолати 1 декабр аз 60 то 100 фисад иҷро гардидааст. Аммо, мутаассифона, дар баъзе ҷамоатҳои деҳот бо сабаби бунёди маҳаллаҳои нав норасоии симчӯб ба чашм мерасад. Аз Вазири энергетика ва захираҳои об даъват карда шуд, ки дар таъмини шабакаҳои барқи шаҳру ноҳияҳо бо трансформатор ва симчӯбҳои нав мусоидат намояд.

Дар ҷараёни кори ситод муовини Сарвазири мамлакат Усмоналӣ Усмонзода  ва раиси вилояти Хатлон  Қурбон Ҳакимзода оид ба самараноку оқилона истифода бурдани неруи барқ дар давраи тирамоҳу зимистон изҳори назар намуданд. Зикр шуд, ки бо сабабҳои ба ҳамагон маълум- кам будани об дар обанбори неругоҳҳои барқи обӣ, зиёд шудани аҳолӣ ва аз меъёр зиёд истифода намудани неруи барқ эҳтиёҷ ба неруи барқ дар қаламрави мамлакат афзудааст.

Гуфта шуд, ки ҳамагон бояд аз маданияти истифодаи неруи барқ бархӯрдор бошанд, дастгоҳу таҷҳизоти гармидиҳиро бе зарурат истифода набаранд ва ҳаққи истифодаи неруи барқро сари вақт пардохт намоянд.

Декабрь 4, 2020 11:02

Хабарҳои дигари ин бахш

Бонкҳои Амороти Муттаҳидаи Араб дар Тоҷикистон намояндагӣ ифтитоҳ менамоянд
Дар силсиланеругоҳҳои «Варзоб» филиали кафедраи неругоҳҳои электрикии Донишгоҳи техникии Тоҷикистон таъсис ёфт
Аз ҷониби Ширкати саҳомии «Инновейтив Роуд Солюшнз ЛТД» таъмири роҳ 134 фоиз иҷро шуд
Дар шаҳри Бохтар бо иштироки Сарвазири Тоҷикистон Қоҳир Расулзода меҳмонхонаҳои «Ватан» ва «Boshidan» мавриди истифтода қарор гирифтанд
Сарвазири Тоҷикистон Қоҳир Расулзода дар ноҳияи Кӯшониён бо фаъолияти хоҷагиҳои деҳқонии «Абдусолеҳ» ва «Ҳоҷидавлат» шинос шуд
Бозори суғуртаи Тоҷикистон аз ҷониби коршиносони байналмилалии «TA Consult» таҳқиқ мешавад
Ҳамкории Кумитаи андози Тоҷикистон бо Донишкадаи муштараки Вена (JVI) баррасӣ шуд
Шурои мудирони Бонки осиёии сармоягузории инфрасохторӣ нахустин маротиба дар Осиёи Марказӣ баргузор мешавад
Муовини Сарвазири Тоҷикистон Матлубахон Сатториён бо вазъи иҷтимоию иқтисодии шаҳри Ҳисор шинос шуд
Беш аз 9000 корманди корхонаву муассисаҳо дар Ёвон дар ҳашари пахтачинӣ иштирок намуданд
ҲИФЗИ ПИРЯХҲО. Дар пиряхҳои болооби ҳавзаи дарёи Зарафшон мушоҳидаҳои аэровизуалӣ ва корҳои тадқиқотӣ-саҳроӣ гузаронида шуданд
Директори Агентии содироти Тоҷикистон бо намояндагони Бонки ҷаҳонӣ мулоқот намуд