Давлаталӣ Саид дар ноҳияи Бобоҷон Ғафуров бо тарзи истифодаи замини наздиҳавлигии сокинон шинос гардид
ДУШАНБЕ, 22.12.2020 /АМИТ «Ховар»/. Муовини якуми Сарвазири Тоҷикистон Давлаталӣ Саид дар доираи сафари корӣ ба вилояти Суғд дар Ҷамоати деҳоти Ҳайдар Усмонови ноҳияи Бобоҷон Ғафуров бо тарзи истифодаи замини наздиҳавлигии сокини ин деҳа Хуршед Ғафуров шинос гардид.
Тавре ба хабарнигори АМИТ «Ховар» аз хадамоти матбуоти раиси вилояти Суғд иттилоъ доданд, оилаи Ғафуровҳо бо мақсади иҷрои дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз замини наздиҳавлигии худ самаранок истифода бурда, 8 гармхонаи хурд бунёд намудаанд. Аз гармхонаҳо ҳамасола то чор маротиба ҳосил гирифта шуда, маҳсулоти тару тоза барои таъмини эҳтиёҷоти оила ба бозор бароварда мешавад. Оилаи Ғафуровҳо ҳамзамон ба нигоҳубини чорво низ машғул буда, барои зимистонгузаронӣ маводи ғизоии зарурӣ захира намудаанд.
Дар ҷараёни сафар Давлаталӣ Саид ва Раҷаббой Аҳмадзода дар Ҷамоати деҳоти Унҷӣ аз гармхонаҳои Абдухолиқ Эргашев боздид карданд. Оилаи Эргашевҳо дар 0,08 гектар замин ҳафт гармхонаи хурд ташкил карда, ба парвариши кабудиҳо машғуланд. Пас аз ҷамъоварии ҳосил ва ба фурӯш гузоштани он дар гармхонаҳо помидору бодиринг ва қаланфури булғорӣ парвариш ёфта, маҳсулоти барвақтӣ ба аҳолӣ пешниҳод мегардад. Ин оила маҳсулоти гуногунро, ки аксар дастранҷи аъзои хонавода аст, барои зимистонгузаронӣ захира намудаанд.
Муовини якуми Сарвазири мамлакат ба тарзи истифодаи замини наздиҳавлигӣ дар ҷамоатҳои мазкур баҳои баланд дода, таъкид дошт, ки таҷрибаи чунин оилаҳои пешқадам бояд барои дигарон намунаи ибрат бошад.
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
