Нахустин бозии дӯстона миёни дастаҳои футболи мунтахаби наврасони Тоҷикистон ва Эрон баргузор гардид

ДУШАНБЕ, 24.12.2020. /АМИТ «Ховар»/. 23 декабр дар Варзишгоҳи марказии шаҳри Душанбе нахустин  бозии  дӯстона миёни дастаҳои футболи  мунтахаби  наврасони  то  16-солаи Тоҷикистон ва Эрон   дар сатҳи баланд баргузор  гардид. Дар ин сабқати ҷолиб футболбозони навраси тоҷик  аз дастаи мунтахаби  наврасони  то  16-солаи   Эрон   бо ҳисоби 4:1  мағлуб  шуданд.

Дар ин бора  шореҳи  варзиши АМИТ «Ховар» бо истинод ба Федератсияи футболи Тоҷикистон иттилоъ медиҳад.

Бозии дӯстона

Тоҷикистон (U-16) – Эрон (U-16) – 1:4

Голҳо: Амир Иброҳимзада, 14 (0:1). Алиакбар Ранҷбар, 20 (0:2). Бежан Нишонбойзода, 58 (1:2). Муҳаммадреза Кушки, 77 (1:3). Ядегар Ростами, 83 (1:4).

Аз майдон ронда шуд: Солиҳӣ Муҳаммадзода (Эрон), 23 –

Ҳайати дастаи  мунтахаби Тоҷикистон (U-16) дар бозии дӯстона бо   дастаи  мунтахаби Эрон:

Дарвозабонҳо: Сафармад Ғаффоров, Шаҳобиддин Маҳмудзода (ҳарду – «Локомотив-Помир»), Суҳробхуҷа Юсупов («Хуҷанд»);

Ҳимоятгарон: Меҳрубони Абдурауф, Ҳукмиддин Шомуродов, Фахриддин Ахтамов, Шаҳриёри Иноятулло, Рӯзимуҳаммад Абдураҳмонов, Қурбоналӣ Муродов, Нурсултон Норбойзода (ҳама – «Локомотив-Помир»);

Нимҳимоятгарон: Кабир Салимшоев, Аббос Андалибов, Бежан Нишонбойзода, Меҳрубон Каримов (ҳама – «Локомотив-Помир»), Кароматулло Боронов (Академияи футболи ФФТ), Амирҷони Фаррухзод («Равшан»), Азизбек Далиев («Регар-ТадАЗ»), Абдулло Шарипов (РШВСМ);

Ҳамлагарон: Абдулфаттоҳи Худойдодзода, Сунатулло Азизов, Асадбек Ҷурабекзода, Хуршед Давлатзода (ҳама – «Локомотив-Помир»).

Сармураббӣ – Аҳлиддин Турдиев.

Бозиҳои дӯстона

23 декабр (чоршанбе)

Тоҷикистон (U-16) – Эрон (U-16)  1:4

Варзишгоҳи марказии шаҳри Душанбе

26 декабр (шанбе)

Оғози бозӣ соати 14:00

Тоҷикистон (U-16) – Эрон (U-16)

Варзишгоҳи марказии шаҳри Душанбе