Роҳҳои оҳани Россия барои интиқоли сабзавот аз Тоҷикистон ва Ӯзебакистон дар соли 2021 50% тахфиф ҷорӣ мекунанд
ДУШАНБЕ, 22.12.2020 /АМИТ «Ховар»/. Роҳҳои оҳани Россия (РОР) соли 2021 тарифҳои интиқоли металҳои сиёҳ, контейнерҳо, контрейлерҳо ва маҳсулоти меваю сабзавотро дар як қатор самтҳо коҳиш медиҳанд. Аз ҷумла, барои ба Россия ворид намудани меваю сабзавот аз Тоҷикистон ва Ӯзбекистон 50% тахфиф пешбинӣ шудааст, менависад АМИТ “Ховар” бо истинод ба маълумоти РОР.
«Аз 1 январи соли 2021 то 31 декабри соли 2021 барои интиқоли меваю сабзавот аз Тоҷикистон ва Ӯзбекистон ба Россия тавассути вагонҳои яхдондори марбут ба Корхонаи воҳиди давлатии «Роҳи оҳани Тоҷикистон»ва ҶСК» Ӯзбекистон «Темир Юллари» «50% тахфиф пешбинӣ шудааст», — гуфта шудааст дар изҳороти РОР.
Давоми тамоми соли 2021 барои интиқоли контейнерҳои пурбор дар таркиби қаторҳои контейнеркашон аз истгоҳҳои марказии москвагии (Ховрино ва Электроугл) ба Екатеринбург (ба истгоҳҳои Екатеринбург-Товарный, Екатеринбург-Сортировочный ва Шарташ) 14,8% тахфиф ҷорӣ карда мешавад, ба шарте ки қатора на камтар аз 100 TEU (ҳамсони контейнери 20-фута) бор карда шавад, аз ҷумла ҳадди аққал 50 TEU контейнери пурбор. Барои фиристандагони борҳо ҷиҳати интиқоли контейнерҳои пурбор дар таркиби қаторҳои контейнеркаш аз истгоҳи Кунтсево II (Москва) ба истгоҳи Екатеринбург-Товарний бо дарназардошти ҳаҷми бори ба қатораҳо боршуда аз 7,7 то 16,2% тахфиф пешбинӣ шудааст.
Барои контейнерҳои пурбор, ки дар ҳайати қатораҳои контейнеркашон интиқол меёбанд, инчунин барои интиқоли контрейлерии (назоратшаванда) дар қаторҳои автомобилҳо, трейлерҳо, нимаядакҳо ва бордонҳои ҷудошавандаи мошинҳо, ки дар ҳайати қаторҳои контейнерӣ дар платформаҳои махсус ба масофаи то 2 ҳазор км интиқол дода мешаванд, 6,3% тахфиф пешбинӣ шудааст.
Ғайр аз ин, дар давраи аз 1 июли соли 2021 то 31 октябри соли 2021 барои интиқоли мева ва сабзавот дар дохили Россия тавассути вагонҳои пӯшида аз истгоҳҳои роҳи оҳани Волга ва Кавкази Шимолӣ ба истгоҳҳои роҳи оҳани Куйбишев, Москва, Октябр, Горкий, Свердлов то 3 ҳазор км 41% тахфиф пешбинӣ шудааст.
Тавре АМИТ “Ховар” қаблан хабар дода буд, моҳи ноябри соли равон Раиси Маҷлиси Миллии Маҷлиси Олии Ҷумҳурии Тоҷикистон Рустами Эмомалӣ ҳангоми сафари худ ба Москва дар мулоқот бо Раиси Шӯрои Федератсияи Маҷлиси Федералии Федератсияи Россия Валентина Матвиенко ин мавзӯъро ба миён гузошта буд. Рустами Эмомалӣ зикр карда буд, ки зарфияти сармоягузорони Россия дар Тоҷикистон ҳанӯз пурра татбиқ нашудааст ва бояд минтақаҳои озоди иқтисодӣ барои афзоиши нишондиҳандаҳо дар ин самт истифода шаванд.
Истеҳсолкунандагони маҳсулоти кишоварзӣ дар Тоҷикистон, ба гуфтаи ӯ, ба васеъ кардани номгӯи мева ва сабзавоти босифати содиротӣ ба бозори Россия алоқаманд мебошанд.
АКС аз бойгонии АМИТ «Ховар»
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
