СУТ: дар ҷаҳон дар як шабонарӯз зиёда аз 534 ҳазор ҳолати сироятёбӣ аз коронавирус ошкор шудааст

ДУШАНБЕ, 22.12.2020 /АМИТ «Ховар»/. Дар ҷаҳон теъдоди бемороне, ки дар вуҷуди онҳо COVID-19 ошкор шудааст аз 77,7 миллион нафар зиёд шудааст. Дар тӯли як шабонарӯз ин рақам беш аз 534 ҳазор афзудааст. Тавре  АМИТ «Ховар» хабар медиҳад, дар ин хусус маълумоти имрӯз интишорёфтаи  Созмони умумиҷаҳонии тандурустӣ (СУТ) шаҳодат медиҳад.

То соати 10:00 (вақти Душанбе) -и 22 декабр, ба СУТ дар бораи 77 716 246 ҳолати сироятёбӣ ва 1 708 924 ҳолати фавти беморон маълумот ворид шудааст. Шумораи сироятёфтагон то 534 657 нафар ва фавтҳо то 8 904 тан афзудааст.

Аз ҳама бештар ҳолатҳои тасдиқшудаи сироятёбӣ дар ИМА сабт шудаанд — 18 473 716. Аз паси он Ҳиндустон (10 075 422), Бразилия (7 264 221), Россия (2 877 727), Франсия (2 479 151), Британияи Кабир (2 073 511), Италия (1.964.054), Испания (1.830.110), Аргентина (1.547.138), Германия (1.534.116), Колумбия (1.518.067) ва Мексика (1.325.915) қарор доранд.

АКС аз бойгонӣ