Ятимони Хонаи кӯдакони шаҳри Турсунзода бо либосҳои варзишӣ таъмин гардиданд
ТУРСУНЗОДА, 15.12.2020 /АМИТ «Ховар»/. Бо ибтикори мақомоти иҷроияи ҳокимияти давлатии шаҳри Турсунзода ва дастгирии соҳибкорони маҳаллӣ ба ҳамаи тарбиятгирандагони Хонаи кӯдакони шаҳр либосҳои варзишӣ, пойафзол ва бастаи шириниҳо тақдим ва барояшон дастархони идона кушода шуд.
Тавре мухбири минтақавии АМИТ “Ховар” иттилоъ медиҳад, ҷиҳати риояи талаботи беҳдоштӣ дар муассиса аз ҷониби Беморхонаи марказии шаҳри Турсунзода тарбиятгирандагон ва кормандони муассиса бо ниқоб ва маводи зиддиуфунатӣ таъмин шуданд.
Сардухтури шаҳри Турсунзода Тоҷиддин Ятимов ба хабарнигори АМИТ «Ховар» гуфт, ки “ятимони Хонаи кӯдакони шаҳр ба таври доимӣ зери назорати табибони беморхонаи марказӣ қарор дошта, аз табобату хизматрасонии ройгони тиббӣ бархурдор мебошанд. Чанд маротиба шуд, ки барои пешгирии бемориҳои сироятӣ ва ҷиҳати риояи қоидаҳои санитарию гигиенӣ муассисаро бо маводи безараргардонию зиддиуфунатӣ ва ниқобҳо таъмин менамоем”.
Ёдовар мешавем, ки дастгирии ятимону ниёзмандон яке аз самтҳои асосии сиёсати хирадмандонаи Пешвои миллат муҳтарам Эмомалӣ Раҳмон буда, он кас барои дастгирии ин қишри ҷомеа ҳамеша ба мансабдорону соҳибкорон ва шахсони саховатпеша дастуру супоришҳои мушаххас медиҳанд. Дар ин асос мақомоти иҷроияи ҳокимияти давлатии шаҳри Турсунзода бо саховатмандону эҳсонкорон ҳамкории зич ба роҳ монда, ниёзмандонро пайваста дастгирӣ менамояд.
«САҲМИ ЗАНОН ДАР РУШДИ ИЛМ». Дар Душанбе конференсияи байналмилалии илмӣ-амалӣ баргузор шуд
Касбомӯзӣ метавонад яке аз роҳҳои муассири пешгирии гаравиши наврасону ҷавонон ба гурӯҳҳои ифротгаро бошад
Табибони тоҷик боз як усули нави ҷарроҳиро амалӣ намуданд
Маърузаи навбатии Ваколатдор оид ба ҳуқуқи инсон ба Президенти Тоҷикистон пешниҳод гардид
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
