Дар панҷ муассисаи таълимии деҳоти «Даҳана»-и Кӯлоб марказҳои рушди кӯдак ташкил гардиданд
КӮЛОБ, 09.01.2021 /АМИТ «Ховар»/. Аз ҷониби Вазорати маориф ва илми Ҷумҳурии Тоҷикистон баҳри дар амал татбиқ намудани барномаи «Нигоҳубин ва васеъ намудани имконият: фароҳам овардани шароит барои имконияти баробар дар манотиқи деҳоти Тоҷикистон» дар ҳамкорӣ бо шарикони рушд дар панҷ муассисаи таълимии Ҷамоати деҳоти «Даҳана»-и шаҳри Кӯлоб марказҳои рушди кӯдак ташкил гардиданд.
Бояд гуфт, ки бо мақсади ба таҳсилоти томактабӣ фаро гирифтани кӯдакон дар шаҳру ноҳияҳои мамлакат бо дастгирии Ҳукумати Ҷумҳурии Тоҷикистон, Вазорати маориф ва илми Ҷумҳурии Тоҷикистон даҳҳо муассисаҳои томактабӣ аз ҳисоби маблағҳои буҷавӣ ва ҷалби соҳибкорон ба истифода супорида мешаванд. Инчунин барномаҳои гуногуни давлатӣ дар ин самт амалӣ мегарданд, ки дар ин кор шарикони рушд низ ҷалб карда шудаанд.
Дар ҳамин замина чанде пеш бо иштироки ташаббускорон ва меҳмонон дар муассисаи таҳсилоти миёнаи умумии рақами 34 шаҳри Кӯлоб Маркази рушди барвақтии кӯдак ифтитоҳ карда шуд. Дар ин марказ 25 нафар кӯдакон ба таълим фаро гирифта мешаванд. Барои таълим ва омода намудани кӯдакон ба мактаб тамоми шароити зарурӣ муҳайё карда шудааст. Мувофиқи омор, айни замон фақат 15 фоизи кӯдакон дар Ҷумҳурии Тоҷикистон ба таҳсилоти томактабӣ фаро гирифта шудаанд ва роҳандозии ин барнома метавонад ин нишондиҳандаро боло барад.
Барои амалӣ гардонидани барномаи мазкур мутахассисони соҳаро омода кардан зарур аст. Вазорати маориф ва илми Ҷумҳурии Тоҷикистон ба воситаи Донишкадаи такмили ихтисос ва бозомӯзии кормандони соҳаи маориф курсҳои кӯтоҳмуддати омӯзишӣ ташкил намудааст, ки дар онҳо 10 нафар омӯзгорон аз панҷ муассисаи зерҳадаф фаро гирифта шудаанд.
Дар ҳамоиш оид ба ин мавзӯъ гуфта шуд, ки мақсади умумии барнома аз мусоидат дар амалӣ кардани барномаҳои давлатии «Рушди таҳсилоти томактабӣ барои солҳои 2020-2021», рушди маориф ва инчунин «Стратегияи миллӣ барои рушд то соли 2020», ки бевосита барои беҳтар кардани таълими томактабӣ равона карда шудааст, иборат мебошад.
Соли оянда дар назди дигар муассисаҳо низ чунин марказҳо кушода шуда, шумораи зиёди кӯдакон ба таҳсили томактабӣ фаро гирифта мешаванд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
