Фаъолияти кормандони мақомоти корҳои дохилӣ дар соли 2020 назаррас арзёбӣ гардид
ДУШАНБЕ, 14.01.2021 /АМИТ «Ховар»/. Муовини Котиби Шӯрои амнияти Ҷумҳурии Тоҷикистон Шараф Файзуллозода фаъолияти кормандони мақомоти корҳои дохилиро дар соли 2020 назаррас арзёбӣ намуд. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Муовини Котиби Шӯрои амнияти Ҷумҳурии Тоҷикистон Шараф Файзуллозода дар ҷаласаи мушовараи Вазорати корҳои дохилӣ вобаста ба натиҷаҳои фаъолияти фаврӣ-хизматии мақомоти корҳои дохилӣ сухан гуфт. Ӯ ба фаъолияти кормандони мақомоти мазкур дар соли 2020 баҳои баланд дода, саҳми арзандаи онҳоро дар таъмини амнияту субот ва ҳифзи тартиботи ҷамъиятӣ назаррас арзёбӣ намуд.
Ҳамчунин барои дар сатҳи баланд гузаронидани чорабиниҳои муҳими сиёсии дар пешистода, аз ҷумла ҷашни 30-солагии Истиқлоли давлатии Ҷумҳурии Тоҷикистон, ҷаласаи сарони давлатҳои аъзои Иттиҳоди Давлатҳои Мустақил дар ҷумҳурӣ, Созмони ҳамкории Шанхай ба кормандони мақомоти корҳои дохилӣ дар фаъолияти хизматиашон барор таманно намуд.
Зимни ҷаласаи мушовара Вазири корҳои дохилӣ Рамазон Раҳимзода зикр кард, ки давоми соли 2020 тамоми ҳайати шахсӣ, қувваю воситаҳои Вазорати корҳои дохилӣ ва мақомоти таъмини амният ҷиҳати ҳифзи тартиботи ҷамъиятӣ, бехатарии шаҳрвандон, пешгирӣ ва мубориза бо ҷинояткорӣ ба хизмат сафарбар гардиданд. Доир ба муайян ва ошкор кардани ҷиноятҳо дар давраи сипаригардида аз ҷониби кормандони милитсия якчанд чорабиниҳои фаврӣ-ҷустуҷӯӣ гузаронида шуда, ашхоси ҷиноятпеша ба ҷавобгарӣ кашида шуданд.
Дар ҷаласаи мушовараи Рамазон Раҳимзода камбудию норасоиҳои ҷойдоштаро мавриди муҳокима қарор дода, ба тамоми сохторҳои мақомоти корҳои дохилӣ ҷиҳати пурзӯр намудани мубориза бар зидди терроризм, экстремизм, гардиши ғайриқонунии маводи мухаддир, ошкор намудани ҷиноятҳои солҳои пешин, дастгир намудани шахсони дар кофтуков қарор дошта, тартибу низом ва бехатарии ҳаракат дар роҳҳои мошингард, таъмини амният, оромию осоиштагӣ, пешгирӣ аз содиршавии ҷиноят ва дигар қонунвайронкуниҳо дастуру супоришҳои қатъӣ дод.
Вазири корҳои дохилӣ ҷиҳати вусъат додани корҳои ободонию созандагӣ ва сабзу хуррам гардонидани муҳити зист, гузаронидани барномаҳои фарҳангию фароғатӣ ва варзишӣ бахшида ба ҷашни 30-солагии Истиқлоли давлатӣ, корҳои пешгирию фаҳмондадиҳӣ бо мақсади сарфакорона истифода бурдани қувваи барқ миёни аҳолӣ дастуру супоришҳои мушаххас дод.
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
