«Ганҷе дар домони пиряхҳо», «Муъҷизаи Тоҷикистон»,- шарҳи матбуоти даврии Тоҷикистон

Январь 7, 2021 15:02

ДУШАНБЕ, 07.01.2021/АМИТ «Ховар»/. Дар ҳафтаи равон, ки нахустин ҳафтаи соли нави мелодии 2021 маҳсуб меёбад, матбуоти  даврии мамлакат рӯйдодҳои муҳими ҳаёти сиёсию иқтисодӣ ва иҷтимоию фарҳангии Тоҷикистон ва ҷаҳонро бозтоб намудаанд.

«Ҷумҳурият»- нашрияи расмии Ҷумҳурии Тоҷикистон  дар шумораи 3 (24 110) чоршанбе, 6 январи  соли 2021 дар саҳифаи якум  мақолаеро таҳти унвони «Ганҷе дар домони пиряхҳо» интишор намудааст, ки дар он раиси ноҳияи Ванҷ Ҷаббори  Қосим доир ба дастовардҳо ва пешрафти соҳаҳои иқтисодию иҷтимоӣ ва омодагии ноҳия ба ҷашни 30-солагии Истиқлоли давлатии Ҷумҳурии Тоҷикистон андешаҳояшро баён кардааст. «Бо дастуру ҳидоятҳои  Роҳбари давлат  дар маркази ноҳия даҳҳо иншооти нав сохта шуданд. Пеш аз ҳама,  аз ҷониби Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон биноҳои мақомоти  маҳаллии ҳокимияти давлатӣ, муассисаи таҳсилоти миёнаи умумии рақами 4, қасри фарҳанг, бинои шуъбаи ноҳиявии  Кумитаи давлатии амнияти миллӣ қомат рост карданд. Ҳамзамон қариб 6 километр роҳ ҳамвор, мумфарш ва чароғон гардид. Дар соли 2020 биноҳои бисёрошёнаи шуъбаи Вазорати корҳои дохилӣ дар ноҳияи Ванҷ, комиссариати ҳарбӣ, маркази савдои «Ванҷ сити» ва  меҳмонхонаи замонавӣ  мавриди истифода қарор  гирифтанд. Дар ҳалли бомуваффақияти яке аз вазифаҳои  муҳим — дигаргунсозии инфрасохтори деҳот на танҳо дар шаҳраки Рохарв, балки дар деҳаҳо низ биноҳои нав, маҳаллаҳои ҷадид ва маконҳои зисти ҳозиразамони ҷавобгӯ  ба талаботи меъморӣ ва шаҳрсозӣ  бунёд гашта истодаанд. Аз ҷониби директори ширкати «Рухом», соҳибкори муваффақ Муфарраҳ Муҳаббатов дар мавзеи Вишхарваки деҳоти Рованд сохта шудани  маркази хизматрасонии «Ванҷи Боло» ва аз тарафи  сарвари Боғи миллии Ванҷ Розиқ Гиёев бунёд намудани  бозор ва меҳмонхона дар ҳамин мавзеъ далели ин гуфтаҳо мебошанд. Мардуми диёри пурганҷ бо дили гарм  ва аз рӯи оини  ватандӯстӣ  тасмим  гирифтаанд, ки  дар соли ҷашни  фархундаи 30-солагии Истиқлоли давлатии Ҷумҳурии Тоҷикистон амалҳои шоиста ва арзишмандро боз ҳам бештар  ба ҷо оранд»,- гуфтааст Ҷаббори Қосим.

Ҳамзамон хонандагони нашрияи расмии «Ҷумҳурият» имкон доранд аз ин шумора мақолаҳоро таҳти унвони  «Рӯзгоре барои ибрат», «Тулӯи ситораҳои нав» ва дигар хабару гузоришҳоро аз ҳаёти иқтисодию иҷтимоӣ ва фарҳангии мамлакат ва ҷаҳон мутолиа намоянд.

          «Садои мардум»-нашрияи Маҷлиси Олии Ҷумҳурии Тоҷикистон дар шумораи ҷашнӣ ё нашри махсуси худ –№1-2 (4263-4264) 1-5 январи соли 2021 дар саҳифаи нахустини худ Паёми шодбошии Президенти  Ҷумҳурии Тоҷикистон, Пешвои миллат муҳтарам Эмомалӣ Раҳмонро ба муносибати соли нави  мелодии 2021  таҳти унвони «Соли 2021 соли дастовардҳои наву  таҳкими пояҳои давлатдорӣ ва ваҳдату  субот мегардад» чоп намудааст.

Мусаллам аст, ки нашрияи парлумонии  «Садои  мардум» ҳамсоли Истиқлоли давлатии  Ҷумҳурии Тоҷикистон буда, 1 январи соли 2021 аз таъсиси он 30 сол сипарӣ гардид. Дар ин росто, кормандон- ҳайати эҷодию техникии нашрияи парлумонии мамлакат- «Садои мардум»-ро бо 30–солагии рӯзномаашон Раиси Маҷлиси  миллии Маҷлиси Олии Ҷумҳурии Тоҷикистон Рустами Эмомалӣ, Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоҳир Зокирзода ва Ёрдамчии Президенти Ҷумҳурии Тоҷикистон  оид ба масъалаҳои рушди иҷтимоӣ ва робита бо ҷомеа Абдуҷаббор  Раҳмонзода табрик намуда, саломатӣ ва муваффақият таманно намудаанд. Инчунин дар ин шумора доир ба маҷлиси  Ҳукумати Ҷумҳурии  Тоҷикистон гузориш чоп шудааст. Ҳамзамон хонандагони «Садои мардум» имкон доранд аз нашри махсус  дар радифи хабару гузоришҳо аз фаъолияти Парлумони мамлакат, инчунин мақолаҳоро таҳти унвони  «Рӯзноманигорони «Садои мардум» асосгузорони журналистикаи  муосири тоҷиканд»,  «Рӯзномаи «Садои мардум»  ва Истиқлолияти давлатӣ ҳамсоланд», «Истиқлолиятро сано хонда, ҳақиқатро ситоиш кардаам» мутолиа намоянд.

«Народная  газета»- нашрияи русизабони Ҳукумати Ҷумҳурии Тоҷикистон дар шумораи  рӯзи чоршанбе, №1 (20283) 6 январи соли 2021 Паёми шодбошии Президенти Ҷумҳурии Тоҷикистон муҳтарам Эмомалӣ Раҳмонро дар робита ба фарорасии соли нави мелодии 2021 таҳти унвони «Народ Таджикистана на новом году  направит усилия на развитие независимого государства», инчунин гузоришро  аз ҷараёни маҷлиси  Ҳукумати Ҷумҳурии Тоҷикистон, иштироки Пешвои  миллатро дар ифтитоҳи як қатор корхонаҳои саноатӣ дар минтақаи саноатии пойтахт зери рубрикаи «Новые предприятия  в промышленной  зоне столицы» нашр намудааст. Ҳамзамон ҳайати  эҷодии нашрияи русизабони Ҳукумати Ҷумҳурии Тоҷикистон «Народная газета» дар ин шумора мақолаҳоеро, ба мисли «Актуальные вопросы гражданства/безгражданства на современном этапе», «Задача таджикских геологов–открытие новых месторождений», «Региональное  сотрудничество как фактор национальной безопастности», «Под Ленинградом  в дни блокады», «Там рощи на склонах кудрявые» ва дигар хабару гузоришҳоро таҳия намуда, пешкаши хонандагони нашрия намудаанд.

«Минбари халқ»— нашрияи  марказии Ҳизби Халқии Демократии Тоҷикистон /ҲХДТ/ дар шумораи чоршанбе, 6 январи соли 2021 №1(1295)  аз ҷараёни  баргузории маҷлиси Хукумати Ҷумҳурии  Тоҷикистон гузориши муфассал чоп намудааст. Инчунин таҳти унвони «Соли 2021-бояд соли дастовардҳои тоза бошад» Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба муносибати фарорасии Соли нави мелодии 2021 ба мардуми Тоҷикистон  интишор намудааст. Ҳамзамон хонандагони нашрияи ҳизбии «Минбари халқ» имкон доранд  аз ин шумора мақолаҳои «Бистсолаи  омӯзиш», «Истифодаи  дурусти  захираҳои обӣ –кафолати таъмини муназзами неруи барқ», «Фарҳанги  истифодаи барқ бояд риоя шавад», «Ёде аз устоди камназир», «Сафинаи хотираҳо», «Феҳристи қарздорон – роҳе барои пешгирӣ аз қарздории номатлуб», «Ҳимоя ва ҳифзи кӯдакон», «Ҳикмати камхӯрӣ», «Муъҷизаи Тоҷикистон», «Риояи қоидаҳои  имло ва савтиёти забон ҳатмист» ва дигар хабару гузоришҳоро аз фаъолияти ҲХДТ мутолиа намоянд.

Марзияи САИД,
АМИТ «Ховар»

Январь 7, 2021 15:02

Хабарҳои дигари ин бахш

Дар Тоҷикистон Рӯзҳои фарҳанги Туркманистон баргузор мегарданд
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус