Озмуни «Беҳтарин муассисаи таҳсилоти умумӣ дар соли 2020» ҷамъбаст гардид
ДУШАНБЕ, 05.01.2021. /АМИТ «Ховар»/. Вазорати маорифи мамлакат бо мақсади амалӣ намудани «Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2011-2020″ озмуни «Беҳтарин муассисаи таҳсилоти умумӣ дар соли 2020″-ро таҳти унвони «Ташаккули тарзи ҳаёти солим» ҷамъбаст намуд. Ҷойи аввал ба муассисаи таҳсилоти умумии №58 шаҳри Ваҳдат бо гирифтани 234 хол, ҷойи дуюм ба муассисаи таҳсилоти умумии №12 ноҳияи Рашт бо гирифтани 228 хол ва ҷойи сеюм ба муассисаи таҳсилоти умумии №7 шаҳри Турсунзода бо гирифтани 224 сазовор дониста шуд.
Тавре аз маркази матбуоти Вазорати маориф ва илми Ҷумҳурии Тоҷикистон иттилоъ доданд, моҳи ноябри соли 2020 дар 390 муассисаи таҳсилоти умумии шаҳрҳои Турсунзодаю Ваҳдат ва ноҳияи Рашт даври якуми озмуни “Беҳтарин муассисаи таҳсилоти умумӣ” таҳти унвони «Ташаккули тарзи ҳаёти солим» гузаронида шуда, аз ноҳия ва шаҳрҳои зикршуда 9 муассисаи беҳтарин (Турсунзода – 3 муассиса, Ваҳдат – 3 муассиса, ноҳияи Рашт – 3 муассиса) ба даври ниҳоии озмун пешниҳод гардиданд.
Дар асоси фармоиши Вазири маориф ва илм ҳайати ҳакамони озмун барои ҷамъбасти даври дуюм (ниҳоӣ) аз муассисаҳои таълимии №№7, 75 98-и шаҳри Турсунзода, №№58, 30 ва 71-и шаҳри Ваҳдат, №№2, 12, ва 25-и ноҳияи Рашт дидан карда, ба корҳои дар ин самт анҷомёфта баҳо доданд.
Ёдовар мешавем, ки озмуни мазкур бори аввал ба таври таҷрибавӣ танҳо дар се шаҳру ноҳия доир гардид. Озмун дар ҳамкорӣ Вазорати маориф ва илм, Хазинаи нуфуси аҳолии Созмони Милали Муттаҳид (ЮНФПА) ва Ташкилоти ҷамъиятии «Ҳамсол ба ҳамсол» гузаронида шуд.
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
