САРДИҲОИ ЗИМИСТОН АБАДӢ НЕСТАНД. Ба зудӣ онҳо мераванд ва ҷойро барои рӯзҳои гарм холӣ мекунанд

Январь 11, 2021 13:52

ДУШАНБЕ, 11.01.2021 /АМИТ «Ховар»/. Ин ҳафта дар Тоҷикистон бо ҳавои абрнок оғоз шуда,  дар саросари мамлакат  туман  мефарояд, вале  бориш намешавад, хабар медиҳад Агентии обуҳавошиносии ҷумҳурӣ. Дар ноҳияҳои гуногуни мамлакат аз 6 то 11 дараҷа гармӣӯзона, дар вилояти Хатлон) то 23-42 дараҷа сардӣ (дар ВМКБ) дар назар аст.

Тибқи пешгӯии Кумитаи ҳолатҳои фавқулода ва мудофиаи граждании Ҷумҳурии Тоҷикистон, ҳавои сарди зимистон, ки аввали моҳи январ ба Тоҷикистон ҳуҷум намуд, танҳо охири моҳи феврал ақибнишинӣ хоҳад кард. Дар рӯзҳои аввали моҳи нахустини баҳор обшавии босуръати барфтӯдаҳо дар зери таъсири шӯълаҳои гарми офтоб шурӯъ мешавад. Мардум мегӯянд, ки «охири моҳи феврал чӣ қадар, ки сардтар бошад, оғози баҳор ҳамон қадар гармтар мешавад.»

Бояд гуфт, ки бинобар доштани иқлими хушк ҳавои Тоҷикистон хеле пасту баланд аст. Ин дар ҳамин фасли сол рух медиҳад, ҳол он ки на ҳамеша барфро мебинӣ.

Мувофиқи назари олимон, иқлими Тоҷикистон ба монанди ҳар кишвари дигари кӯҳистонӣ, ки дар арзҳои ҷанубии хати устувор доман густурдаанд, хеле гуногун аст: дар водиҳои паст субтропикӣ, дар табақаҳои миёнаи кӯҳҳо гарми мӯътадил ва дар баландиҳои онҳо сард. Дар тӯли тақрибан нуҳ моҳ тавозуни радиатсияи офтоб дар Тоҷикистон мусбат аст. Ин маънои онро дорад, ки сатҳи болои он дар фаслҳои баҳор, тобистон ва тирамоҳ аз офтоб назар ба он ки ба фазои ҷаҳонӣ медиҳад, бештар гармӣ мегирад.

Дар зимистон иқлими Тоҷикистон дар зери таъсири ҳавои хунук ва сарди сибирӣ ва ҳавои нисбатан гарм ва нами уқёнусӣ, ки аз Ғарб меояд, ташаккул меёбад. Дар фасли зимистон ва баҳор дар марзҳои ҷудошавии маҷрои ҳаво бисёр вақтҳо ҷабҳаҳои қутбӣ пайдо мешаванд ва сиклонҳо дар самти онҳо ҳаракат мекунанд. Ва ҳангоми гузаштани онҳо барф ё борон меборад.

Дар фасли тобистон дар иқлим радиатсияи назарраси офтоб бо ҳавои гарми хушк ва тропикӣ ба назар мерасад, ки дар фарози биёбонҳои Осиёи Ғарбӣ ва Марказӣ ташаккул меёбад ва ҳамвориҳои ҷумҳуриро гарм мекунад.

Кӯҳҳои баланд ҳавои gay-sauna-nice.com, ки дар зимистон аз Сибир меояд, нигоҳ медоранд. Бинобар ин, ҳарорати зимистонӣ дар ин ҷо баландтар аст. Хусусияти хоси иқлими Тоҷикистон — ин тағйирёбии шабонарӯзӣ, мавсимӣ ва хушкии ҳарорати ҳаво мебошанд. Фарқи ҳарорати миёнаи моҳонаи тобистонӣ ва зимистонӣ ба 28-30 ° мерасад.

Зимистонҳои сардтарини Тоҷикистон

Зимистони соли 2008 дар Тоҷикистон дар 40 соли охир хунуктарин буд. «Ҳамин гуна ҳарорат дар Тоҷикистон дар аввали солҳои 80-уми асри гузашта сабт шуда буд», — хабар доданд ба АМИТ «Ховар» аз Агентии обуҳавошиносии Ҷумҳурии Тоҷикистон ва илова намуданд, ки ҳарорати ҳаво барои ин давраи сол ғайримуқаррарӣ нест. — Пастшавии рекордии ҳарорати миёнаи ҳармоҳаи ҳаво дар Тоҷикистон соли 1934 сабт шуда буд, ки дар ноҳияҳои кӯҳии Тоҷикистон ҳарорат то 26,6 дараҷа поин омада буд.

Он замон дар моҳи январ рӯзона дар Душанбе сармо ҳукмфармо буд — ба ҳисоби миёнаи манфӣ 5 дараҷа сард буд. Аз ҳама сардтарин рӯзҳо дар моҳи январ дар Душанбе соли 1934 сабт шуда буданд — ба ҳисоби миёнаи манфӣ 6 дараҷа ва соли 1964 — ба ҳисоби миёнаи манфӣ 5,8 дараҷа.

Ҳарорати гармтарин дар моҳи январ (ба таври миёна + 6,5 дараҷа) дар пойтахти Тоҷикистон солҳои 1987 ва 2010 сабт шуда буд.

Ба ҳамин тартиб, ҳарорати ҳаво дар зимистон дар Тоҷикистон ба ҳисоби миёна + 5 ° C аст. Ҳарорати миёнаи пасттарин -7 ° C мебошад. Ҳарорати миёнаи баландтарин дар нуқтаи + 13 ° C қарор дорад.

Ҳарорати пасттарин дар таърихи башарият — 89,2 ºС на дар зимистон, балки дар тобистон — 21 июли соли 1983 дар маркази таҳқиқотии “Восток” -и Россия сабт шуда буд.

                                                    АКС аз бойгонии АМИТ «Ховар»

Январь 11, 2021 13:52

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад