УЕФА тасмими баргузории чемпионати имсолаи Аврупоро дар 12 шаҳр тасдиқ кард

Январь 28, 2021 13:26

ДУШАНБЕ, 28.01.2021 /АМИТ «Ховар»/.  Чемпионати Аврупо оид ба футбол дар 12 шаҳр, тавре ки қаблан ба нақша гирифта шуда буд, сурат хоҳад гирифт, хабар медиҳад АМИТ «Ховар» бо истинод ба хадамоти матбуоти Иттиҳоди ассотсиатсияҳои футболи Аврупо (УЕФА).

«УЕФА ният дорад чемпионати Аврупоро дар ҳамаи 12 шаҳр баргузор кунад. Евро — ин мусобиқаи бузурги дастаҳои миллӣ дар Аврупо ва манбаи ҳаётан муҳими маблағгузорӣ ва рушди васеи футбол мебошад», — иқтибос меорад АМИТ «Ховар» суханони сардори УЕФА Александр Чеферинро.

«Ман хушбинам, ки бо наздик шудани мусобиқа эҳтимолан вазъи вобаста ба вирус ба куллӣ тағйир меёбад ва муҳим ин аст, ки мо ба шаҳрҳо ва ҳукуматҳои мизбон ҳарчи бештар вақт бидиҳем, то ин ки тасвири дақиқи чизеро, ки моро дар моҳи июн интизор аст, тасаввур кунем», — гуфт ӯ.

Инчунин зикр карда мешавад, ки тасмим дар бораи баргузории чемпионати Аврупо бо ҳузури тамошобинон аввали моҳи апрел қабул хоҳад шуд.

Чемпионати Аврупо аз 11 июн то 11 июли соли 2021 баргузор мешавад. Бо сабаби пандемияи коронавирус мусобиқа барои як сол мавқуф гузошта шуд. Гузаронидани он дар Санкт-Петербург, Лондон, Мюнхен, Боку, Рим, Бухарест, Дублин, Копенгаген, Билбао, Глазго, Будапешт ва Амстердам ба нақша гирифта шудааст.

АКСИ UEFA.co

Январь 28, 2021 13:26

Хабарҳои дигари ин бахш

Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад
Мусобиқаи 15-уми байналмилалӣ оид ба теннис дар Душанбе идома дорад