5 феврал Вазорати маориф ва илм, Кумитаи меъморӣ ва сохтмон, Кумитаи давлатии идораи замин ва геодезӣ, Хадамоти иҷро нишасти матбуотӣ доир мекунанд

ДУШАНБЕ, 04.02.2021 /АМИТ «Ховар»/. 5 феврал Вазорати маориф ва илми Ҷумҳурии Тоҷикистон,  Кумитаи меъморӣ ва сохтмони назди Ҳукумати Ҷумҳурии Тоҷикистон, Кумитаи давлатии идораи замин  ва геодезии Ҷумҳурии Тоҷикистон, Хадамоти иҷрои назди Ҳукумати Ҷумҳурии Тоҷикистон оид ба ҷамъбасти соли 2020  нишасти матбуотӣ баргузор менамоянд.

Кумитаи меъморӣ ва сохтмон нишасти матбуотиро соати 09:00 дар маҷлисгоҳи Кумита барпо менамояд.

Кумитаи давлатии идораи замин  ва геодезӣ соати 10:00 дар бинои   Кумитаи мазкур нишаст мегузаронад.

Нишасти матбуотии Вазорати маориф ва илм соати 11:00 дар бинои асосии Донишгоҳи миллии Тоҷикистон доир мешавад.

Хадамоти иҷро соати 14:00 дар толори Иттифоқи нависандагон, ошёнаи 2 нишасти матбуотӣ баргузор менамояд.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» тавассути телефонҳои 238-52-24, 888-08-34-04 мувофиқа менамоянд.

Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ «Ховар» — www.khovar.tj  ба забонҳои тоҷикӣ ва русӣ нашр карда мешаванд.