ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар беморхонаи минтақавии Сучони Шуғнон бинои иловагии дуошёна бунёд мешавад
ДУШАНБЕ, 10.02.2021. /АМИТ «Ховар»/. Ба шарафи ҷашни 30-солагии Истиқлолияти давлатӣ ва бо мақсади беҳтар намудани шароити корӣ барои табибону табобати беморон аз ҷониби мақомоти иҷроияи ҳокимияти давлатии ноҳияи Шуғнони Вилояти Мухтори Кӯҳистони Бадахшон дар ҳамкорӣ бо мақомоти иҷроияи ҳокимияти давлатии вилоят ва шарикони рушд, ҳамчунин бо дастгирии сокинони Ҷамоати деҳоти Сучон барои беморхонаи минтақавии ҷамоати мазкур бинои иловагии дуошёна бунёд карда мешавад. Дар ин бора аз мақомоти иҷроияи ҳокимияти давлатии ноҳияи Шуғнон ба АМИТ «Ховар» хабар доданд.
Мутобиқи лоиҳаи сохтмон, дар ошёнаи якум ошхонаю ҳаммом ва дар ошёнаи дуюм се утоқ барои муолиҷаи беморон ташкил карда мешавад.
Сохтмони бино аз шашмоҳаи дуюми соли 2020 оғоз гардида, айни ҳол қариб 70 фисади корҳои сохтмонӣ ба иҷро расонида шудаанд.
Дар бунёди иншооти номбурда қувваи корӣ аз ҷониби худи сокинони Ҷамоати деҳоти Сучон ташкил карда шуда, масолеҳи сохтмонӣ ва дигар таҷҳизоти зарурии беморхона аз ҷониби мақомоти иҷроияи ҳокимияти давлатӣ ва шарикони рушд таъмин карда мешавад.
Мутобиқи нақша, бинои иловагии беморхона бояд то моҳи майи имсол мавриди истифода қарор гирад.
Раиси ноҳияи Шуғнон Ҷумъа Ҷумъазода аз ҷараёни корҳои сохтмонӣ дар иншооти номбурда дидан намуда, ба масъулини мақомоти дахлдори ноҳия дастури мушаххас дод, ки барои ҳарчӣ зудтар ба анҷом расонидани корҳои сохтмонӣ дар иншоот аз буҷети ноҳия иловатан маблағҳои зарурӣ равона намоянд.
Даври сеюми Озмуни ҷумҳуриявии «Тараннуми Ватан» баргузор гардид
Пешвои миллат Эмомалӣ Раҳмон дар ноҳияи Темурмалик майдони Парчами давлатии Ҷумҳурии Тоҷикистонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Темурмалик варзишгоҳи марказиро ба истифода доданд
Пешвои миллат Эмомалӣ Раҳмон дар ноҳияи Темурмалик якчанд иншооти соҳаҳои маориф, тандурустӣ ва обтаъминкуниро тариқи фосилавӣ ифтитоҳ намуданд
Сарвари давлат Эмомалӣ Раҳмон Мактаби президентии ноҳияи Темурмаликро ифтитоҳ намуданд
35-СОЛАГИИ ИСТИҚЛОЛИ ДАВЛАТӢ. Дар Бадахшон 11 мактаб ва 45 муассисаи томактабӣ сохта мешавад
Нақшаи генералии шаҳри Хоруғ қабул гардид
Пешвои миллат Эмомалӣ Раҳмон дар ноҳияи Файзобод аз боғи хоҷагии деҳқонии Солеҳҷон боздид намуданд
Сарвари давлат Эмомалӣ Раҳмон дар ноҳияи Файзобод аз хоҷагии деҳқонии Чаноро дидан намуданд
Президенти Ҷумҳурии Тоҷикистон Эмомалӣ Раҳмон дар ноҳияи Файзобод бинои нави Маркази саломатии деҳаи Сафедхокро ба таври фосилавӣ ифтитоҳ намуданд
Пешвои миллат Эмомалӣ Раҳмон дар ноҳияи Файзобод бинои нави Маркази ташхису табобатро мавриди истифода қарор доданд
Сарвари давлат Эмомалӣ Раҳмон дар ноҳияи Файзобод бо лоиҳаи банақшагирии ҷамоати шаҳраки Вашгирд шинос шуданд
