Дар Осорхонаи миллии Тоҷикистон бахшида ба Рӯзи Қувваҳои Мусаллаҳ барномаи идона баргузор гардид

Февраль 16, 2021 15:36

ДУШАНБЕ, 16.02.2021 /АМИТ «Ховар»/. Имрӯз дар Осорхонаи миллии Тоҷикистон бахшида ба ҷашни 30-солагии Истиқлоли давлатии Ҷумҳурии Тоҷикистон ва 28-солагии Қувваҳои Мусаллаҳи Ҷумҳурии Тоҷикистон бо иштироки намояндагони Вазорати мудофиаи Ҷумҳурии Тоҷикистон, афсарону сарбозони қисмҳои ҳарбии шаҳри Душанбе ва хонандагони муассисаҳои таҳсилоти миёнаи умумии пойтахт барномаи идона баргузор гардид.

Директори Осорхонаи миллии Тоҷикистон Аҳлиддин Ибодуллозода иброз намуд, ки бахшида  ба 28-солагии Қувваҳои Мусаллаҳи Ҷумҳурии Тоҷикистон аз 16 то 23 феврали соли равон беш аз ҳазор нафар ҳайати шахсии афсарону аскарони қисмҳои ҳарбии гарнизони шаҳри Душанбе бо нигораҳои нави толорҳои намоишии Осорхонаи миллии Тоҷикистон шинос мегарданд.

Мавсуф зикр намуд, ки «имрӯз Артиши миллӣ ба сипари боэътимоди Ватан ва таъминкунандаи амнияти мамлакат мубаддал гаштааст. Бо талошу ҷоннисориҳои фарзандони бонангу номуси Ватан сохти конститутсионӣ дар Тоҷикистон барқарор гардида, заминаи мусоиди сулҳу оромӣ, суботи сиёсӣ ва фароҳам овардани шароит барои рушди минбаъдаи соҳаҳои иқтисодиёту иҷтимоиёт гузошта шуд.».

Тавре 22 феврали соли 2020 дар «Кохи Борбад» Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷамъомади тантанавӣ ба ифтихори 27-солагии таъсиси Қувваҳои Мусаллаҳи Ҷумҳурии Тоҷикистон иброз намуданд, «ҳайати шахсии Қувваҳои Мусаллаҳ дар солҳои душвори муқовимати мусаллаҳонаи дохилӣ ва ҷанги таҳмилии шаҳрвандӣ қарзи фарзандии худро дар назди Ватан ва халқи Тоҷикистон содиқона иҷро карда, дар роҳи ба эътидол овардани вазъият, яъне қатъи ҷангу хунрезӣ, таъмини сулҳу субот ва мубориза бар зидди гурӯҳҳои экстремистиву террористӣ саҳми басо арзишманд гузошт».

Ҳамчунин дар барнома хонандагони муассисаи таҳсилоти миёнаи умумии №8-и ноҳияи Исмоили Сомонӣ дар мавзӯи артиш, Ватан ва ҳифзи он шеърҳо қироат намуданд.

Афсарон ва аскарон дар гӯшаи доимамалкунандаи дастовардҳои солҳои соҳибистиқлолии «Артиши миллӣ» ва гӯшаҳои нави экспозитсия, аз ҷумла лавозимоти ҳарбии ниёгон сайрҳои осорхонавӣ намуданд.

Ҷиҳати шиносии бештар пайдо намудани афсарону аскарон бо таърихи куҳан ва фарҳанги пурғановати миллати тоҷик нигораҳои 4 шуъбаи экспозитсионии осорхона ба онҳо пурра муаррифӣ карда шуд.

Февраль 16, 2021 15:36

Хабарҳои дигари ин бахш

ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст
«ҲАФТ-СИН» ВА «ҲАФТ-ШИН». Оростани хони наврӯзӣ бо ин рамзҳо нишонаи хайру баракат аст
«САД РАНГИ ЧАКАН». Дар Бӯстон даври шаҳрии озмун баргузор гардид