Дар Тоҷикистон корхонаҳо оид ба истеҳсоли шакар ва коркарди пилла бунёд мегарданд
ДУШАНБЕ, 16.02.2021 /АМИТ «Ховар»/. Интизор меравад, ки дар оянда дар Тоҷикистон корхонаҳо оид ба истеҳсоли шакар ва инчунин оид ба коркарди пилла бунёд гарданд.
Дар ин бора ба намояндагони расонаҳои хабарӣ Вазири саноат ва технологияҳои нави Ҷумҳурии Тоҷикистон Шералӣ Кабир имрӯз дар Душанбе иттилоъ дод. Вазири саноат гуфт, ки алҳол мақомоти марбутаи Тоҷикистон бо сармоягузорони хориҷӣ барои бунёди ин корхонаҳо гуфтушунид доранд.
Зикр шуд, ки бунёди корхона оид ба истеҳсоли шакар масоҳати калон барои кишти лабалабуи қандро тақозо менамояд. Дар Тоҷикистон замина ва шароити мусоид барои кишти лаблабуи қанд, ки аз он шакар истеҳсол мегардад, мавҷуд аст.
-Аллакай бо истеҳсолкунандагони лаблабу ва сармоягузорон музокирот доир гардида, дар моҳи март бо сармоягузорони хориҷӣ гуфтушунидҳо идома меёбанд, изҳор дошт Вазири саноат.
Шералӣ Кабир иброз дошт, ки музокирот дар мавриди таъсиси корхонаи коркарди пилла бо сармоягузорони Корея, инчунин корҳо барои барқарор кардани фаъолияти корхонаи «Тоҷикатлас» ҷиҳати коркарди пилла идома доранд. Барқарорсозии фаъолияти истеҳсолии ин корхона 10 миллион доллари амрикоӣ сармоягузорӣ талаб менамояд.
Гуфта шуд, ки ҳоло дар Тоҷикистон се корхонаи коркарди пилла фаъолият доранд.
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
