Футболбози тоҷик Табрези Давлатмир фаъолияти варзиширо дар дастаи Эстония «Нарва-Транс» идома медиҳад

ДУШАНБЕ, 09.02.2021 /АМИТ «Ховар»/. Ҳимоятгари дастаи мунтахаби Тоҷикистон оид ба футбол ва «Истиқлол»-и Душанбе Табрези Давлатмир фаъолияти варзишии худро дар премиум-лигаи чемпионати Эстония идома медиҳад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Футболбози 22-солаи тоҷик бо дастаи Эстония «Нарва-Транс» шартнома бастааст. Дар дастаи нави худ Табрези Давлатмир бо рақами 3 баромад мекунад.

«Рафтан ба клуби «Нарва-Транс» барои ман мушкилоти нави касбист. Мехоҳам ҳарчи зудтар бо ин даста шинос шавам ва дар дастаи нав тамринро оғоз кунам. Бо истифода аз ин фурсат, ман мехоҳам ба клуби «Истиқлол», ки дар он чанд мавсим бозӣ кардаам, ташаккур гӯям. Ба дастаи Душанбе дар марҳилаи гурӯҳии Лигаи қаҳрамонҳои АФК-2021 муваффақият орзу мекунам », — гуфт Табрези Давлатмир.

Мавсими нави лигаи олии Чемпионати Эстония, ки дар он даҳ клуб иштирок мекунанд, 5 март оғоз меёбад.

АКС аз ФФТ