Ду барномаи таълимии Донишгоҳи технологии Тоҷикистон соҳиби Шаҳодатномаи байналмилалии аккредитатсия шуданд
ДУШАНБЕ, 05.02.2021 /АМИТ «Ховар»/. Донишгоҳи технологии Тоҷикистон соли 2020 бо қарори Шӯрои аккредитатсионии Агентии мустақили рейтинг ва аккредитатсияи Ҷумҳурии Қазоқистон ду барномаи таълимии донишгоҳ ба муҳлати 5 сол ва барои як барномаи таълимӣ ба муҳлати 3 сол соҳиби Шаҳодатномаи байналмилалии аккредитатсияи барномавӣ гардиданд. Дар ин бора ректори Донишгоҳи технологии Тоҷикистон Илҳом Амонзода имрӯз зимни нишасти матбуотӣ ба хабарнигорон иттилоъ дод.
Мавсуф зикр дошт, ки дастоварди дигари донишгоҳ дар соли сипаригашта бо назардошти ҷавобгӯ будан ба Стандартҳои аврупоии сифат – ин таъмин намудани самтҳои асосии фаъолияти донишгоҳ бо низомномаҳо ва ҳуҷҷатҳои меъёрии таълимию методӣ мебошад, ки ададашон ба беш аз 60 расидааст. Дар ин давра «Стратегияи рушди ДТТ то давраи соли 2030», «Сиёсати сифати маълумот», «Низоми дохилии баҳодиҳии сифати маълумот дар ДТТ», «Низомномаи таҳияи барномаҳои таълимӣ», «Қоидаҳои риояи ростқавлии академӣ», «Низомномаи низоми баҳодиҳии дохилии сифати таҳсилот дар ДТТ» таҳия гардид, ки дар таърихи донишгоҳ нахустин мебошанд.
Инчунин соли 2020 ҳайати омӯзгорон соҳиби 3 патент оид ба ихтирооти Ҷумҳурии Тоҷикистон ва 1 шаҳодатнома дар бораи бақайдгирии давлатии захираи иттилоотӣ ноил гардид.
Доир ба муносибатҳои байналмилалӣ зикр шуд, ки дар соли таҳсили 2020 Донишгоҳи технологии Тоҷикистон бо 13 муассисаи таҳсилоти олии касбӣ, созмону ширкатҳои хориҷӣ ҷиҳати ба роҳ мондани ҳамкории байналмилалӣ шартнома ва созишномаҳои тарафайн ба имзо расонидааст. Инчунин соли гузашта донишгоҳ дар амалӣ гардидани 8 лоиҳаи Барномаи ЭРАСМУС+ Иттиҳоди Аврупо, лоиҳаи «Рушди таҳсилоти олӣ»-и Бонки ҷаҳонӣ, лоиҳаи «Маълумоти касбӣ ва такмили ихтисос дар Осиёи Марказӣ»-и Созмони ҳамкории байналмилалии Германия (GIZ), лоиҳаҳои Ташкилоти Кореягии WTIT «Интиқоли технологияҳои коммуникатсионии глобалӣ», Маркази байналмилалии тиҷорат (ITC) фаъолона иштирок намудааст.
Дар ҷараёни нишаст зикр шуд, ки дар Донишгоҳи технологии Тоҷикистон 109 нафар донишҷӯёни хориҷӣ таҳсил менамоянд. Аз онҳо 11 нафар шаҳрвандони Ҷумҳурии Исломии Афғонистон, 1 нафар шаҳрванди Ҷумҳурии Қирғизистон, 1 нафар шаҳрванди Туркманистон ва 2 нафар аз Қазоқистон, 1 нафар аз Ҷумҳурии мардумии Чин ва 93 нафар аз Ӯзбекистон мебошанд.
Китобҳои рӯзноманигор Шариф Ҳамдампур «Чунин гуфт оне, ки буду оне, ки ҳаст» ва «Тоҷикон дар суҳбати Сталин ва Ғафуров» рӯнамоӣ гардиданд
Муфаттиши прокуратураи ноҳияи Роштқалъа Сиёвуш Маҳмуродов ғолиби озмуни «Беҳтарин донандаи китоби «Тоҷикон» гардид
«ҶОЙ ДАР МАҒЗИ ҶИГАР КУН ДӮСТРО…». Дар мисоли дӯстии Мирзо Турсунзода ва Ғафур Ғулом дӯстии тоҷикону ӯзбеконро метавон ҷовидонӣ гуфт
«МАН НАМЕГУЗОРАМ, КИ МАРО ШИКАНАНД». Посухи шадиди Манижа ба танқидгарон
«Агар кор ҳамин тавр идома ёбад, ҳар суруди дуюмро манъ кардан мумкин аст»: Кортнев Манижаро тарафдорӣ кард
Буланова аз суруди Манижа дар Евровидение — 2021 ба ваҷд омад
«…БА СОНИ ЧЕҲРАИ ЛАЙЛО». Имрӯз даври ҷамъбастии Озмуни ҷумҳуриявии гулҳо «Сайри гули лола» баргузор гардид
Дар Донишгоҳи давлатии техникии нафти Уфа синфхонаи махсус бо тарҳ ва нақшу нигори миллии тоҷикӣ оро дода шуд
Туҳфаи Пешвои миллат — китоби «Тоҷикон» дастраси сокинони ноҳияи Сангвор гардид
Оид ба ҳифз ва омӯзиши мероси таърихию фарҳангӣ дар Тоҷикистон конференсияи ҷумҳуриявӣ доир гардид
РАСОНАИ ЗИНДАГӢ. 10 апрел ба фаъолияти Радиои Тоҷикистон 91 сол пур шуд
«ЭЙ ЁР, БИЁ, САЙРИ ГУЛИ ЛОЛА РАВЕМ». Пагоҳ дар Душанбе даври ҷамъбастии Озмуни ҷумҳуриявии гулҳо- «Сайри гули лола» баргузор мегардад
