Иқтисоди рақамӣ дар Тоҷикистон рушд намуда, иқтидори содиротӣ баланд бардошта мешавад
ДУШАНБЕ, 19.02.2021 /АМИТ «Ховар»/. Вазорати рушди иқтиқсод ва савдои Ҷумҳурии Тоҷикистон бо мақсади таъмини суботи макроиқтисодӣ, кам кардани вобастагии иқтисоди миллӣ аз таъсири омилҳои манфии беруна, баланд бардоштани рақобатпазирии он ва диверсификатсияи истеҳсолот дар лоиҳаи ба Ҳукумати мамлакат пешниҳоднамудаи «Барномаи миёнамуҳлати рушди Ҷумҳурии Тоҷикистон барои солҳои 2021-2025» манбаъҳои иловагии рушдро дар як қатор самтҳои афзалиятнок пешбинӣ намудааст.
Дар ин хусус Вазири рушди иқтисод ва савдои Ҷумҳурии Тоҷикистон Завқӣ Завқизода имрӯз ба намояндагони расонаҳои хабарӣ иттилоъ дод.
Вазир афзуд, ки дар самтҳои рушди иқтисоди «сабз» ва иқтисоди рақамӣ, зиёд намудани ҳаҷми истеҳсоли маҳсулоти ниҳоии дорои арзиши баланди изофашуда, рушди саноати дорусозӣ, бозори молиявӣ ва фарогирии молиявӣ, истифодаи имконияти хизматрасонии таълимию илмӣ, транзитӣ ва рушди сайёҳии кишвар манбаъҳои иловагии рушд пешбинӣ гардидаанд.
Ҳамзамон аз ҷониби Вазорати рушди иқтисод ва савдои Ҷумҳурии Тоҷикистон лоиҳаҳои ду барнома- «Барномаи миёнамуҳлати рушди иқтисоди рақамӣ барои солҳои 2021-2025 ва «Барномаи давлатии рушди содирот барои солҳои 2021-2025» таҳия гардида, ба Ҳукумати ҷумҳурӣ пешниҳод шудаанд, ки ҳадафи асосии ин барномаҳо рақамикунонии иқтисоди миллӣ ва баланд бардоштани иқтидори содиротии Тоҷикистон дар зарфи панҷ соли оянда мебошад.
Завқӣ Завқизода ҳамзамон иброз дошт, ки бо мақсади ҷорӣ намудани механизми наву муосир мутобиқ ба иқтисоди бозорӣ ва маблағгузории соҳаи илм лоиҳаи Қарори Ҳукумати Ҷумҳурии Тоҷикистон «Дар бораи қоидаҳои маблағгузории заминавӣ, грантӣ, барномаи мақсаноки фаъолияти илмӣ ва илмӣ-техникӣ дар Ҷумҳурии Тоҷикистон» таҳия гардидааст, ки дар баррасии вазорату идораҳои мамлакат қарор дорад.
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
Президенти Тоҷикистон: «Дар 5 соли охир аз ҷониби низоми бонкии мамлакат беш аз 80 миллиард сомонӣ қарз дода шуд»
Ба иқтисодиёти вилояти Суғд 320,8 миллион доллари ИМА сармояи ватанию хориҷӣ ҷалб гардид
Тоҷикистон ва Эрон ҳамкории гумрукиро тақвият медиҳанд
