Озарбойҷон барои соли таҳсили 2021-2022 бурсияҳои таҳсилӣ аз рӯи зинаҳои бакалавриат, магистратура, докторантураи таҳсилоти олӣ ва тиббӣ пешниҳод намуд

Февраль 23, 2021 10:10

ДУШАНБЕ, 23.02. 2021. /АМИТ «Ховар»/. Ҷумҳурии Озарбойҷон барои соли таҳсили 2021-2022 бурсияҳои таҳсилӣ аз рӯи зинаҳои бакалавриат, магистратура, докторантураи таҳсилоти олӣ ва тиббӣ пешниҳод кардааст, хабар медиад АМИТ «Ховар» бо истинод ба Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон.

Донишгоҳҳои Ҷумҳурии Озарбойҷон вобаста ба ихтисосҳои гуногун сертификатҳои сатҳи байналмиллалии «TOEFL» ва «IELTS»-ро талаб менамоянд. «Аз ин лиҳоз ба довталабон зарур аст, ки пеш аз интихоби донишгоҳ ва ихтисос ба талаботҳои вобаста ба сертификати забондонӣ пешниҳоднамудаи онҳо шинос шаванд», — омадааст дар иттилоияи марказ.

Ба иттилои манбаъ, таҳсил ройгон буда, хароҷоти парвозҳои байналмилалӣ, суғуртаи тиббӣ, раводид ва сабти ном пардохт карда мешаванд. Ҳамчунин стипендияи моҳона барои хӯрок, манзил ва хизматрасонии коммуналӣ 800 манати озарӣ мебошад.

Ҳуҷҷатҳои лозимаи зерин талаб карда мешаванд: ариза (дар шакли анкета); диплом ё аттестат; маълумотномаи тиббӣ  (бо санҷишҳо барои ВИЧ / СПИД, гепатити В ва С); ҳолнома (резюме ё CV); номаи ҳавасмандӣ (Мотивирующее письмо); сертификатҳои малакаи  забондонӣ.

Сатҳи малакадонии забонҳо барои барномаҳое, ки  бо забонҳои хориҷӣ гузаронида мешаванд: барои барномаҳои бакалаврат IELTS 5, TOEFL 40, барои дигар барномаҳо IELTS 5.5, TOEFL 50 лозим аст.

Ҳама ҳуҷҷатҳо бояд ба забонҳои англисӣ ё русӣ тарҷума гардида, аз тарафаи нотариус тасдиқ карда шаванд.

 

Маълумоти муфассал дар сомонаи:

https://mfa.gov.az/en/content/399/scholarship?fbclid=IwAR0bC3k8n1INfdSWoiZsFb8G37l3kmTGpmRC8sHfxHNoYWpYHztozL3L9qM

Февраль 23, 2021 10:10

Хабарҳои дигари ин бахш

«Асолати миллии мо ҳимояи марзи Ватан аст». Таҳти чунин унвон ба шарафи Рӯзи Артиши миллӣ ҳамоиш доир шуд
Садоқатмандона ба Ватан хизмат менамоем, — ваъдаи сарбозон ба падару модарон зимни дидорбинӣ дар шаҳри Бӯстон
Дар ноҳияи Шаҳристон амалиёти «Тозагии маҳал» гузаронида шуд
Дар Бадахшон ба шарафи Рӯзи Қувваҳои Мусаллаҳ машқҳои амалӣ-тактикӣ баргузор гардиданд
ОБУ ҲАВО: Имрӯз дар Тоҷикистон ҳаво абрнок шуда, борон меборад
Оилаҳои хонандагони осебпазири муассисаҳои таҳсилоти миёнаи умумии вилояти Хатлон аз кумакҳо бархӯрдор гардиданд
Дар Китобхонаи миллӣ ба ифтихори иди ҳомиёни Ватан барномаи фарҳангӣ доир гардид
Дар Донишгоҳи давлатии Данғара ба ифтихори Рӯзи Артиши миллӣ ҷамъомади идона доир шуд
Туҳфаи Пешвои миллат — китоби «Тоҷикон» ба Тоҷикобод расид
ОБУ ҲАВО: Имрӯз дар Тоҷикистон ҳаво абрнок шуда, борон меборад
Маликшо Неъматзода ба сокинони вилояти Суғд моҳияти Паёми Пешвои миллатро шарҳу эзоҳ дод
ОБУ ҲАВО: Имрӯз дар Тоҷикистон ҳаво абрнок ва тағйирёбанда шуда, борон меборад

Маводҳои таҳлилӣ