Раиси Кумитаи иҷроияи ФБНА бо Роҳбари Намояндагии ЮНИСЕФ дар Тоҷикистон мулоқот кард
ДУШАНБЕ, 17.02.2021 /АМИТ «Ховар»/. 16 феврал мулоқоти раиси Кумитаи иҷроияи Фонди байналмилалии наҷоти Арал (ФБНА) Султон Раҳимзод ва Роҳбари Намояндагии ЮНИСЕФ дар Тоҷикистон Усома Маккави Когалӣ баргузор гардид.
Тавре АМИТ «Ховар» бо истинод ба Кумитаи иҷроияи ФБНА хабар медиҳад, дар мулоқот масъалаҳои ҳамкории дуҷониба, аз ҷумла дар доираи Даҳсолаи байналмилалии амал «Об барои рушди устувор», солҳои 2018-2028 баррасӣ шуданд.
Ҷонибҳо инчунин доир ба баргузории чорабинии қабл аз конфронс дар мавзӯи «Об ва ҷавонон» дар доираи Конфронси дуюми байналмилалии об, инчунин таъмини иштироки кӯдакон аз кишварҳои Осиёи Марказӣ дар он мубодилаи афкор намуданд.
Ёдовар мешавем, ки Тоҷикистон аз рӯзи аввали (26 марти с.1993) таъсиси Фонди байналмилалии наҷоти Арал (ФБНА) ҳамчун кишвари ташаббускор дар қатори дигар кишварҳои Осиёи Марказӣ узви фаъоли ин созмон мебошад. Қобили зикр аст, ки аз ибтидо мақсад аз таъсис додани ФБНА, пеш аз ҳама, бартарафсозии буҳрони экологӣ ва беҳдошти вазъи иҷтимоию иқтисодӣ дар ҳавзаи баҳри Арал буд, ки батадриҷ пастшавии сатҳи онро ҷомеаи ҷаҳонӣ яке аз фоҷеаҳои асри ХХ арзёбӣ менамояд.
Бояд тазаккур дод, ки таъсисдиҳандагони ФБНА кишварҳои Осиёи Марказӣ — Қазоқистон, Қирғизистон, Тоҷикистон, Туркманистон ва Ӯзбекистон мебошанд.
Кумитаи иҷроияи ФБНА дар асоси ивазшавӣ фаъолият намуда, роҳбарӣ дар ФБНА аз як кишвар ба дигар мегузарад.
Тоҷикистон раёсат дар Фонди байналмилалии наҷоти баҳри Аралро барои солҳои 2020-2023 қабул кард. Ҷиҳати дар сатҳи зарурӣ фаъолият намудани раёсати Фонди мазкур қарори дахлдори Ҳукумати Ҷумҳурии Тоҷикистон аз 31 марти 2020 тасдиқ гардид. Аз моҳи октябри 2020 Кумитаи иҷроияи Фонди мазкур фаъолияти худро оғоз намуд. Тибқи Фармони Президенти Ҷумҳурии Тоҷикистон ва дар мувофиқа бо кишварҳои узви Фонд намояндаи кишвари мо Султон Раҳимзода ба вазифаи Раиси Кумитаи иҷроия таъйин шуд.
АКС аз Кумитаи иҷроияи ФБНА
Сафири Тоҷикистон бо Раиси Федератсияи палатаҳои тиҷоратии Арабистони Саудӣ мулоқот намуд
Президенти Ҷумҳурии Исломии Покистон бо Сафири Тоҷикистон мулоқот намуд
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони кишварҳои аъзои Иттиҳоди Давлатҳои Мустақил иштирок кард
Вазири корҳои хориҷии Тоҷикистон бо фиристодаи махсуси Иттиҳоди Аврупо оид ба Афғонистон мулоқот намуд
Дар Тошканд нишасти Шурои ҳамоҳангсозони миллӣ оид ба вохӯриҳои машваратии сарони давлатҳои Осиёи Марказӣ доир шуд
Сироҷиддин Муҳриддин бо мушовири махсуси Сарвазири Ҷопон мулоқот намуд
Вазири меҳнат, муҳоҷират ва шуғли аҳолии Тоҷикистон бо раис ва мудири иҷроияи Ширкати захираҳои инсонии «ARCO» мулоқот намуд
Намояндаи доимии Тоҷикистон дар ҳамоиш бахшида ба ташаббуси СММ «Огоҳии бармаҳал барои ҳама» иштирок намуд
Шуруъ аз 3 феврал байни Тоҷикистон ва Эрон қоидаҳои нав дар низоми бераводид амалӣ мегарданд
Тақвияти ҳамкории бисёрҷонибаи Тоҷикистон бо Барномаи Созмони Милали Муттаҳид оид ба сукунат баррасӣ гардид
Шумораи аввали маҷаллаи «Сиёсати хориҷӣ»-и Вазорати корҳои хориҷии Ҷумҳурии Тоҷикистон ба нашр расид
Директори иҷроияи ЮНИСЕФ ба Тоҷикистон меояд
