Станислав Зас: «Нақшаи татбиқи қарорҳои иҷлосияи Шӯрои амнияти дастаҷамъии СААД ва афзалияти ҷониби Тоҷикистон дар соли 2021 тасдиқ карда шуд»
ДУШАНБЕ, 18.02.2021 /АМИТ «Ховар»/. «Раиси Шӯрои амнияти дастаҷамъии Созмони аҳдномаи амнияти дастаҷамъӣ (ШАД СААД), Президенти Ҷумҳурии Тоҷикистон Эмомалӣ Раҳмон Нақшаи татбиқи қарорҳои иҷлосияи ШАД СААД ва афзалияти ҷониби Тоҷикистонро дар соли 2021 тасдиқ карданд», — иттилоъ дод ба хабарнигорон имрӯз дабири кулли СААД Станислав Зас пас аз мулоқот бо Пешвои миллат муҳтарам Эмомалӣ Раҳмон.
Ба гуфтаи Станислав Зас, ин санад дар асоси қарорҳои иҷлосияи моҳи декабри (2020) ШАД СААД бо назардошти пешниҳодҳое, ки дар иҷлосияҳо ва ҷаласаҳои Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯрои амнияти СААД манзур гардидаанд ва бо таваҷҷуҳ ба афзалияти раёсати Тоҷикистон дар Созмон таҳия шуд.
«Дар нақша тадбирҳои амалӣ дар соҳаҳои ҳамкории сиёсӣ, ҳарбӣ, ҳарбӣ-иқтисодӣ ва ҳарбӣ-техникӣ, ҳамгироӣ дар масъалаи мубориза бар зидди чолишҳо ва таҳдидҳо ба амнияти кишварҳои узви Созмон пешбинӣ шудаанд. Аксарияти тадбирҳо дар доираи Нақшаи мазкур дар Тоҷикистон бо иштироки щахсан намояндагони кишварҳои узви СААД баргузор мешаванд. Барои ин дар Тоҷикистон вазъи мусоид фароҳам оварда шудааст», — гуфт дабири кулли СААД.
«Зимни муҳокимаи масъалаҳои рӯзномаи байналмилалӣ ва минтақавӣ ба рушди вазъ дар Афғонистон, инчунин тамоюли афзоиши таҳдидҳои глобалии терроризм, экстремизм, шаклҳои гуногуни радикализм ва ҷинояткории муташаккилонаи фаромиллӣ, аз ҷумла гардиши ғайриқонунии маводи мухаддир таваҷҷуҳи махсус дода шуд. Мутаассифона, вазъ дар Афғонистон мураккаб боқӣ мемонад», — таъкид кард Станислав Зас.
АКС аз Хадамоти матбуоти Президенти ҶТ
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
