Вазорати энергетика: Корҳои таҷдиду навсозии неругоҳҳои барқии обӣ идома доранд
ДУШАНБЕ, 01.02.2021 /АМИТ «Ховар»/. Корҳои таҷдиду навсозии неругоҳҳои барқи обии «Норак», «Сарбанд», «Қайроққум», бунёди лоиҳаи «CASA- 1000» ва корҳои сохтмонӣ дар Неругоҳи барқи обии «Себзор» ба маблағи умумии 11,3 миллиард сомонӣ идома доранд. Дар ин бора имрӯз Вазири энергетика ва захираҳои оби Ҷумҳурии Тоҷикистон Ҷумъа Далер зимни нишасти матбуотӣ ба намояндагони воситаҳои ахбори омма иттилоъ дод.
Ба зикри номбурда, соли равон корҳои сохтмонии хати интиқоли барқи 500 кВ «Роғун- зеристгоҳи конвертории Сангтӯда» ва корҳо дар самти кам кардани талафоти неруи барқ ва ҷорӣ намудани низоми муосири бахисобгирии неруи барқ дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияҳои Данғара ба маблағи 2,4 миллиард сомонӣ оғоз меёбанд.
«Бояд гуфт, ки дар доираи қисматҳои лоиҳаи минтақавии CASA-1000 корҳои лоиҳакашию ҷустуҷӯӣ, сохтмонӣ, иҷрои чорабиниҳои иҷтимоию экологӣ ва таҳияи нақшаи муҳоҷиркунонӣ идома дода шуданд. Дар доираи сохтмони зеристгоҳи конверторӣ корҳои заминию бетонӣ ва сохтмонию васлу насби конструксияҳо идома дода шуда, ҳамчунин то ин муддат як қатор молу таҷҳизоти зарурӣ ба мамлакат ворид карда шуданд»,- гуфт Ҷумъа Далер.
Ҳоло барои ҷорӣ намудани механизмҳои муосири ҳуқуқӣ оид ба танзими соҳаи об ва пешбурди сиёсати обӣ дар мамлакат Кодекси оби Ҷумҳурии Тоҷикистон дар таҳрири нав қабул гардида, Стратегияи миллии оби Тоҷикистон барои то соли 2030 таҳия ва бо вазорату идораҳои дахлдор мувофиқа гардидааст. Дар фурсати наздиктарин он ба Ҳукумати Ҷумҳурии Тоҷикистон барои баррасӣ ва тасдиқ пешниҳод карда мешавад.
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
