Доир ба лоиҳаи “Навкунии низоми омори миллии Ҷумҳурии Тоҷикистон” ҳамоиш доир шуд
ДУШАНБЕ, 16.03.2021 /АМИТ «Ховар»/. Имрӯз дар Агентии омори назди Президенти Ҷумҳурии Тоҷикистон оид ба омодагӣ ба лоиҳаи “Навкунии низоми омори миллии Ҷумҳурии Тоҷикистон” ба таври онлайн суҳбати “мизи мудаввар” доир гардид. Лоиҳаи мазкур аз моҳи декабри ҳамин сол шурӯъ гардида, маблағи грантии он 10 миллион доллари ИМА-ро ташкил медиҳад.
Тавре хабарнигори АМИТ “Ховар” иттилоъ медиҳад, дар ҳамоиш ҳайати роҳбарикунандаи вазорату идораҳои дахлдор, субъектҳои баҳисобгирии омори расмӣ, воҳидҳои оморӣ ва намояндагони воситаҳои ахбори омма иштирок намуданд.
Директори Агентии омори ҷумҳурӣ Гулнора Ҳасанзода зикр кард, ки дар ҳамкории зич бо мутахассисони Бонки ҷаҳонӣ тибқи ёддошт вобаста ба таҳияи лоиҳаи грантии “Навкунии низоми омори миллии Ҷумҳурии Тоҷикистон” якчанд корҳо ба анҷом расонида шуда истодаанд. Аз ҷумла, дар асоси талаботи Бонки ҷаҳонӣ лоиҳаи нақшаи ҳамкории мутақобила бо ҷонибҳои манфиатдор ва нақшаи уҳдадориҳои экологию иҷтимоӣ якҷо бо тартиби бартарафкунии партовҳои электронӣ таҳия гардиданд.
Мавсуф гуфт, ки дар замони соҳибистиқлолии мамлакат аз ҷониби Агентии мазкур аллакай чандин лоиҳаҳо дар ҳамкорӣ бо Бонки ҷаҳонӣ амалӣ карда мешаванд.
— Ногуфта намонад, ки дар мамлакат Стратегияи миллии рушди омори Ҷумҳурии Тоҷикистон барои соли 2030 таҳия ва тасдиқ карда шуд ва яке аз востаҳои татбиқи чунин стратегия, албатта, лоиҳаҳои байналмилалӣ мебошанд, ки бо ҷалби маблағҳои грантӣ ва шарикон амалӣ мегарданд. “Мо ба гурӯҳи Бонки ҷаҳонӣ барои иштироки фаъолона дар раванди омода намудани ҳуҷҷатҳои зарурӣ барои баррасии Шӯрои директорони Бонки ҷаҳонӣ изҳори сипос менамоем”,-афзуд Гулнора Ҳасанова.
Намояндаи Бонки ҷаҳонӣ, роҳбари лоиҳа Алишер Раҷабов иброз дошт, ки “ҳоло мо барои гуфтушунид омодагӣ дида истодаем ва баъди анҷоми онҳо ҳуҷҷатҳо ба Шӯрои директорони Бонки ҷаҳонӣ пешниҳод мегарданд. Боварӣ дорем, ки то охирҳои соли равон хулосаҳоро мегирем ва пас аз қабул шудани қонун дар Парлумон амалӣ намудани лоиҳаи мазкур шурӯъ мегардад”.
Муовини директори Агентии омор Қиёмиддин Давлатзода оид ба лоиҳаи “Навкунии низоми омори миллии Ҷумҳурии Тоҷикистон” маълумоти мухтасар пешниҳод намуд.
Дар хатми ҳамоиш нақшаи ҳамкории мутақобила бо ҷонибҳои манфиатдор ва нақшаи уҳдадориҳои экологӣ, иҷтимоӣ ва дигар ҳуҷҷатҳо аз ҷониби ҳамаи ишштирокдорони ҳамоиш мавриди муҳокима қарор гирифт.
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
