Имсол дар Душанбе Бизнес-форуми соҳибкорони Тоҷикистон ва Фаластин доир мегардад
ДУШАНБЕ, 19.03.2021 /АМИТ «Ховар»/. Интизор меравад, ки моҳи июн ё сентябри соли равон бо назардошти ба эътидол омадани вазъи эпидимикӣ дар ҷаҳон дар Душанбе Бизнес-форуми соҳибкорони Тоҷикистон ва беш аз 50 нафар сармоягузорону соҳибкорони давлати Фаластин ва кишварҳои арабӣ баргузор гардад.
Тавре АМИТ «Ховар» бо истинод ба Палатаи савдо ва саноати Тоҷикистон хабар медиҳад, ташкили Бизнес-форуми доираҳои тиҷоратии Тоҷикистон ва Фаластинро дар Душанбе Сафири Давлати Фаластин дар Ҷумҳурии Тоҷикистон Луай Исса дар мулоқот бо Раиси Палатаи савдо ва саноати Тоҷикистон Ҷамшед Ҷумъахонзода пешниҳод намудааст. Ҳадафи он аз наздик шинос намудани сармоягузорону соҳибкорони кишварҳои арабӣ, алалхусус Давлати Фаластин бо имконият ва имтиёзҳои пешбининамудаи Ҳукумати Тоҷикистон дар самти дастгирии соҳибкорону сармоягузоронии кишварҳои хориҷӣ ва фазои мусоиди сармоягузорӣ дар Тоҷикистон мебошад.
Ҷамшед Ҷумъахонзода пешниҳоди Сафири Фаластинро қобили қабул шуморида, зикр намуд, ки Палатаи саво ва саноати Тоҷикистон омода аст дар сурати ба эътидол омадани вазъи эпидемикӣ дар ҷаҳон ва кушода шудани марзҳо ҷиҳати ҷалби сармояи кишварҳои арабӣ ба иқтисодиёти Тоҷикистон ва муаррифии имконоти сармоягузории Ҷумҳурии Тоҷикистон миёни доираҳои соҳибкорону сармоягузорони арабӣ бизнес-форумҳо ва дигар вохӯриҳои тиҷоратӣ баргузор намояд.
Ҳамзамон Ҷамшед Ҷумъахонзода доир ба фаъолияти Палатаи савдо ва саноати Ҷумҳурии Тоҷикистон, нақшаҳои ояндаи Палата дар самти баргузории намоишгоҳҳо ва инчунин оид ба имконияти тиҷоратӣ-сармоягузории ҷумҳурӣ ба Сафири Фаластин маълумоти мушаххас дод.
Луай Исса зикр намуд, ки имконият ва имтиёзҳои аз ҷониби Ҳукумати Ҷумҳурии Тоҷикистон дар самти дастгирии сармоягузорону соҳибкорон ҷоригардида бояд миёни сармоягузорону соҳибкорони арабӣ низ муаррифӣ гарданд.
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
