«Сад ранги чакан». Таҳти чунин унвон то охири моҳи март дар Осорхонаи миллии Тоҷикистон намоиш доир мегардад

Март 18, 2021 08:20

ДУШАНБЕ, 18.03.2021 /АМИТ «Ховар»/. Аз 16 то 31 марти соли равон дар Осорхонаи миллии Тоҷикистон бахшида ба 30-солагии Истиқлоли давлатӣ ва Наврӯзи байналмилаӣ таҳти унвони «Сад ранги чакан» намоиш баргузор мегардад.

Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иттилоъ дод, намоиши мазкур 16 март бо иштироки  директори Осорхонаи миллии Тоҷикистон Аҳлиддин Ибодуллозода, Ректори Донишкадаи давлатии санъати тасвирӣ ва дизайни Тоҷикистон Ҷамшед Ғанизода, котиби масъули Комиссияи миллии Ҷумҳурии Тоҷикистон оид ба корҳои ЮНЕСКО Зулфия Бурҳон, муовини директори Пажӯҳишгоҳи илмӣ-тадқиқотии фарҳанг ва иттилооти Ҷумҳурии Тоҷикистон Комилҷон Шарифзода ва донишҷӯёни Донишкадаи давлатии санъати тасвирӣ ва дизайн ифтитоҳ гардид.

Директори Осорхонаи миллии Тоҷикистон Аҳлиддин Ибодуллозода иброз дошт, ки «ҳадаф аз баргузории намоиши мазкур – ин баланд бардоштани ифтихори миллӣ, арҷгузорӣ ба фарҳанги воло, тарбияи зебоипарастӣ, тарғибу ташвиқи либосҳои миллӣ, эҳёи ҳунарҳои миллию муаррифии он ва ба наслҳои оянда пешкаш кардани ҳунари аҷдодӣ мебошад».

Котиби масъули Комиссияи миллии Ҷумҳурии Тоҷикистон оид ба корҳои ЮНЕСКО Зулфия Бурҳон  «Сертификат»-и аслеро, ки ба Рӯйхати мероси фарҳангии ғайримоддии башарият (ЮНЕСКО) шомил гардидани «Чакан»-ро тасдиқ мекунад, баҳри нигаҳдорӣ ва истифодаи минбаъда ба директори Осорхонаи миллии Тоҷикистон Аҳлиддин Ибодуллозода супорид.

Намоиши мазкур дар ҳамкорӣ бо Донишкадаи давлатии санъати тасвирӣ ва дизайн ва Осорхонаи миллии Тоҷикистон доир карда шуд. Дар намоиш аз фонди Осорхонаи миллии Тоҷикистон беҳтарин намунаҳои ин ҳунари мардуми тоҷик, аз қабили куртаҳои чакан, рӯймоли миён, тоқии чакан, бардеворӣ, рукӯрпагӣ, рӯгаҳворагӣ, рӯйҷо, чойгир, салла (дастор) ва дигар намудҳо ба маъраз гузошта шудаанд, ки чеварони тоҷик ҳунари гулдӯзӣ ва чакандӯзии хешро асосан дар ҳамин намуди ашёи чаканӣ хуб нишон додаанд.

Инчунин дар намоиш маснуоти ороишии занона, ба монанди ангуштарин, дастпона, гӯшвор, гарданбанд, тоҷ, миёнбанд ва ғайраҳо пешниҳоди тамошобинон гардонида шудаанд, ки занон дар баробари куртаи чакан ин ороишотро низ барои зебу зиннати худ истифода мебурданд.

Дар доираи ин намоиш маҳсулоти тарроҳону пардозгарони либосҳои миллӣ, ба монанди чакан, атлас ва адрас аз ҷониби устодон ва донишҷӯёни Донишкадаи давлатии санъати тасвирӣ ва дизайни Тоҷикистон ба намоиш гузошта шуданд.

Март 18, 2021 08:20

Хабарҳои дигари ин бахш

Оид ба ҳифзи пиряхҳо ҳамоиши байналмилалӣ баргузор шуд
Ба бузургдошти олими бузурги тоҷик Абумансури Мотуридӣ конфронси ҷумҳуриявӣ доир шуд
«САДРИДДИН АЙНӢ ВА ИНҚИЛОБИ МАДАНӢ». Ин таҳлил даъват ба ҳушёрӣ ва талош барои ҳифзи дастовардҳои маънавӣ аст
Доир ба нақши Ибни Сино дар ташаккул ва рушди илми тиб ҳамоиш баргузор шуд
ВАСФИ ВАТАН ВА ХИРАД ДАР «ШОҲНОМА». Узви вобастаи Академияи миллии илмҳои Тоҷикистон Нуриддин Саид ин мавзуъро шарҳ медиҳад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Озмоишгоҳҳои низоми иттилоотии пиряхҳои Тоҷикистон ва сифати об, санитария ва изотопҳо ба истифода дода шуд
Дар ҳудуди ёдгории таърихии Ҳалқаҷар корҳои таҳқиқотӣ-бостоншиносӣ оғоз шуданд
Дар Академияи миллии илмҳои Тоҷикистон масъалаи механизмҳои иҷтимоии ташаккули ҳувияти аҳолӣ баррасӣ гардид
«ТОҶИКОНА МЕПӮШЕМ!». Занону духтарони мақомоти гумруки Тоҷикистон дар иқдоми либоси миллӣ иштирок намуданд
Дар шаҳристони Ҳулбук ковишҳои бостоншиносӣ аз нав оғоз гардиданд
САДРИДДИН АЙНӢ ВА ИНҚИЛОБИ МАДАНӢ