Шаҳбоз Саидабуроров ва Комроншоҳи Устопириён дар мусобиқаи «Tbilisi Grand Slam»-и Гурҷистон иштирок мекунанд
ДУШАНБЕ, 25.03.2021 /АМИТ «Ховар»/. Аз 26 то 28 марти соли равон, дар шаҳри Тбилисии Гурҷистон мусобиқаи байналмилалӣ аз намуди гуштини дздо таҳти унвони «Tbilisi Grand Slam» баргузор мегардад. Дар ин чорабинии сатҳи ҷаҳонӣ Ҷумҳури Тоҷикистонро паҳлавонони шинохтаи ҷумҳурӣ Шаҳбоз Саидабуроров дар вазни -60кг ва Комроншоҳи Устопириён дар вазни -90кг намояндагӣ мекунанд.
Дар ин бора шореҳи варзиши АМИТ «Ховар» Меҳрони ҚУРБОН бо истинод ба Федератсияи дзюдои Тоҷикистон хабар медиҳад.
Ҳамчунин дар ин мусобиқа иштироки 501 варзишгар аз ҷумла, 273 мард ва 228 зан аз 82 кишвари ҷаҳон дар назар аст. Дар рӯзи аввали мусобиқа рақобатҳо дар вазнҳои -60кг, -66кг миёни мардон ва -48кг, -52кг, -57кг миёни занон баргузор мешавад.
Дар рӯзи дуюм паҳлавонони вазнҳои -73кг, -81кг миёни мардон ва -63кг, -70кг миёни бонувон рақобат хоҳанд кард. Мусобиқа 28 март бо қувваозмоиҳои вазнҳои -90кг, -100кг, +100кг миёни мардон ва -78кг, +78кг миёни бонувон ба поён мерасад.
Қобили зикр аст, ки иштирокчиёни мусобиқа имкони касби имтиёзҳои олимпиро доранд. Барои мақоми аввал — 1000 имтиёз, дуюм — 700 имтиёз ва сеюм — 500 имтиёз дода мешавад. Инчунин беҳтаринҳои мусобиқа бо ҷоизаҳои молӣ сарфароз гардонида мешаванд. Дар ҳар як вазн ба ғолиби ҷойи якум 5000 доллари ИМА, ҷойи дуюм — 3000 доллар ва барои ҷойҳои сеюм 1500-долларӣ тақдим карда мешавад.
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
ФЕСТИВАЛИ БОЗИҲОИ МИЛЛИИ ВАРЗИШӢ. Дар он зиёда аз 50 намуд бозиҳои миллӣ намоиш дода мешаванд
