Ташкилотҳои қарзӣ соли гузашта ба муштариён 102,9 миллион сомонӣ қарзи ипотекӣ пешниҳод намуданд
ДУШАНБЕ, 04.03.2021 /АМИТ «Ховар»/. Ташкилотҳои қарзии Тоҷикистон соли гузашта ба муштариён 102,9 миллион сомонӣ қарзи ипотекӣ пешниҳод намудаанд, ки дар қиёс нисбат ба соли 2019 беш аз 17 миллион сомонӣ зиёд аст, иттилоъ медиҳад Бонки миллии Тоҷикистон.
Ин дар ҳолест, ки қаблан Раиси Бонки давлатии амонатгузории Ҷумҳурии Тоҷикистон Сироҷиддин Икромӣ дар нишасти матбуотӣ ба хабарнигорон гуфта буд, ки аз нимаи дуюми соли 2021 «Амонатбонк» бо дарназардошти имконияти молиявии худ тасмим дорад, ки пешниҳоди қарзҳои ипотекиро ба муштариён ба роҳ монад. Барои он ки қарзи дарозмуддат ба муштариён дода шавад, сарчашма ё худ амонати дарозмуҳлат лозим аст. Бояд тазаккур дод, ки қарзҳои ипотекӣ аз сӯи ташкилоти қарзии мамлакат ба аҳолӣ асосан барои сохтмони манзил пешниҳод карда мешаванд.
Дар Тоҷикистон заминаҳои ҳуқуқӣ барои пешниҳоди қарзи ипотекӣ фароҳам оварда шудаанд. Соли 2008 Парлумони Тоҷикистон Қонуни Ҷумҳурии Тоҷикистон «Дар бораи ипотека»-ро қабул намуд, ки дар доираи он муносибатҳои қарздеҳу қарзгир, ки бо гарави молу мулки ғайриманқул тибқи тартиби муқаррарнамуда ба расмият дароварда мешаванд, танзим мегардад. Ҳамчунин қарздиҳии манзил (ипотека) ва фаъолияти ташкилоти қарзӣ дар самти қарздиҳии ипотекӣ дар доираи ҳамин қонун амалӣ карда мешавад. Имрӯз ташкилотҳои қарзӣ бо риояи қонуни мазкур фаъолият дошта, ба аҳолии кишвар қарзҳои ипотекӣ пешниҳод намуда истодаанд.
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
