11 апрел даври ҷамъбастии Озмуни ҷумҳуриявии гулҳо — «Сайри гули лола» бо шукӯҳу шаҳомати хосса таҷлил мешавад

Апрель 6, 2021 08:21

ДУШАНБЕ, 06.04.2021 /АМИТ «Ховар»/. Даври ҷамъбастии  Озмуни ҷумҳуриявии гулҳо- «Сайри гули лола» 11 апрел дар Боғи фарҳангӣ-фароғатии ба номи Абулқосим Фирдавсии  шаҳри Душанбе  бо шукӯҳу шаҳомати хосса таҷлил мегардад. Ин нуктаро Ёрдамчии Президенти Ҷумҳурии Тоҷикистон оид ба  рушди иҷтимоӣ ва робита бо ҷомеа, роҳбари Гурӯҳи кории ҷумҳуриявӣ оид ба баргузор намудани озмуни мазкур Абдуҷаббор Раҳмонзода 5 апрел зимни ҷаласа оид ба гузаронидани даври ҷамъбастии озмуни мазкур дар соли 2021, ки дар Вазорати фарҳанги Ҷумҳурии Тоҷикистон  бо иштироки аъзои гурӯҳ ва намояндагони вазорату идораҳои дахлдор доир шуд, баён намуд.

Мавсуф иброз намуд, ки  «Озмуни ҷумҳуриявии гулҳо — «Сайри гули лола» мувофиқи Амри Президенти Ҷумҳурии Тоҷикистон аз 13 декабри соли 2018 давоми солҳои 2019-2021 дар тамоми ҷумҳурӣ гузаронида мешавад. Ҳадаф аз баргузории он, пеш аз ҳама, баланд бардоштани сатҳи донишу маърифат, фарҳангу ҷаҳонбинӣ, бедор намудани завқи зебоипарастӣ дар зеҳни ҳар сокини мамлакат, ободу зебо намудани ҳар хона, кӯча, маҳалла, деҳа, деҳот, шаҳрак, ноҳия, шаҳр, вилоят ва ҷумҳурӣ буда, он ба истиқболи сазовори ҷашни 30-солагии Истиқлоли давлатии Ҷумҳурии Тоҷикистон бахшида шудааст».

Муовини якуми роҳбари Гурӯҳи кории ҷумҳуриявӣ, Раиси Кумитаи рушди маҳали назди Президенти Ҷумҳурии Тоҷикистон Қосим Роҳбар гузориши худро доир ба натиҷаҳои баргузории озмун дар тамоми мамлакат манзур намуд.

Роҳбари гурӯҳ аз тамоми иштирокдони озмун, ки аз тамоми гӯшаву канори мамлакат дар ин рӯз ширкат  меварзанд, даъват ба амал овард, ки дастовардҳои беназири гулпарварии худро ба сокинони ҷумҳурӣ ва ҷаҳониён муаррифӣ намоянд.

Қосим Роҳбар зикр намуд, ки баргузории озмун дар тамоми ҷумҳурӣ нишон дод, ки мардуми тоҷик аз азал ба зебоипарастӣ ва сабзу хуррам намудани муҳити зист, ободиву созандагӣ таваҷҷуҳи хосса дошта, дар гулпарварӣ низ таҷрибаи бой доранд. Инчунин баргузории озмун ба эҳёи анъанаҳои ниёгон дар самти эҳтиром ба тамоми зебоӣ, ободонӣ ва хуррамии муҳити атроф, бедор намудани муҳаббати сокинони шаҳр ба гулпарварӣ, ҳифзи мероси табиӣ ва дар ин замина, ҷалби сайёҳону рушди соҳаи сайёҳӣ дар Ҷумҳурии Тоҷикистон заминаи махсус мегузорад.

Ба гуфти мавсуф, дар ҷамъбасти озмун аз рӯи чор номина- «Боғи беҳтарин»,  «Гулгашти беҳтарин»,  «Кӯча ё хиёбони беҳтарин» ва  «Гулпарвари беҳтарин» ғолибон муайян шуда, бо мукофотҳо қадрдонӣ мегарданд.

Зикр шуд, ки дар вилояти Суғд озмуни мазкур то баргузории даври ҷумҳуриявӣ идома ёфта, масъулин бояд ба роҳбари гурӯҳи корӣ ҳисобот пешниҳод намоянд. Ҳамчунин супориш дода шуд, ки бо сабабҳои номусоидии вазъи боду ҳаво ва бориши зиёди барф дар ВМКБ Озмуни ҷумҳуриявии «Сайри гули лола» дар ин минтақаҳо давра ба давра то таҷлили Рӯзи Ваҳдати миллӣ бо иштироки аъзои Гурӯҳи кории ҷумҳуриявӣ баргузор гардида, аз натиҷаи он ба роҳбари гурӯҳ гузориш манзур шавад.

Инчунин ба роҳбарияти вазоратҳои фарҳанг ва кишоварзӣ, кумитаҳои рушди маҳал, ҳифзи муҳити зист, кор бо занон ва оила, телевизион ва радио, Федератсияи иттифоқҳои касабаи мустақили Тоҷикистон, мақомоти иҷроияи ҳокимияти давлатии шаҳри Душанбе, вилоятҳо ва шаҳру навоҳӣ ҷиҳати дар сатҳи баланд гузаронидани ҷамъбасти Озмуни ҷумҳуриявии «Сайри гули лола» супоришҳои мушаххас дода шуданд.

Мавриди зикр аст, ки Озмуни ҷумҳуриявии гулҳо-«Сайри гули лола» мувофиқи Амри Президенти Ҷумҳурии Тоҷикистон аз 13 декабри соли 2018  давоми солҳои 2019-2021 дар тамоми ҷумҳурӣ гузаронида мешавад.

Ғолибони Озмуни ҷумҳуриявии «Сайри гули лола» бо туҳфаҳои хотиравии Кумитаи рушди маҳал мукофотонида мешаванд.

Фирӯзаи ДАВЛАТ,
АМИТ «Ховар»

Апрель 6, 2021 08:21

Хабарҳои дигари ин бахш

«Тасвири об дар асарҳои рассомони Тоҷикистон». Таҳти чунин унвон дар Осорхонаи таъриху кишваршиносии шаҳри Кӯлоб намоиш доир шуд
Дар Тоҷикистон навсозии заминаи моддӣ ва техникии муассисаҳои таълимии омӯзиши ибтидоии касбӣ идома дорад
Имсол барои баргузории Озмуни ҷумҳуриявии «Фурӯғи субҳи доноӣ китоб аст» 2 835 000 сомонӣ ҷудо мегардад
«Мисгарӣ — бозгӯи рамзҳо, эътиқод ва анъанаҳои мардумӣ». Таҳти чунин унвон дар Осорхонаи миллии Тоҷикистон намоиш оғоз шуд
Навори видеоии Манижа дар шабакаи «Евровидение» миёни иштирокчиёни соли 2021 аз ҳама бештар машҳур шуд
МУШКИЛОТИ МУАССИСАҲОИ ТАЪЛИМИИ НОҲИЯИ ТОҶИКОБОД. Чаро сохтмони мактаби №6, ки қариб 20 сол пеш оғоз шуда буд, анҷом намеёбад?
«ҶАВОНОНИ ТОҶИКИСТОН» – ФАРОТАР АЗ ЯК РӮЗНОМА. Имрӯз «ҶТ» 91-сола шуд
Ҳунарпешаи халқии Тоҷикистон Асалбегим Саодатова дар 71-солагӣ аз олам даргузашт
«Ганҷинаи профессор Шарифҷон Ҳусейнзода» баъд аз навсозӣ ба истифода дода шуд
«TAJIKISTAN FASHION WEEK». Дар Душанбе маросими тантанавии ифтитоҳи Ҳафтаи байналмилаллии мӯд баргузор гардид
«БОЗГАШТ БА ПАНҶРӮД». Романи нависандаи рус Андрей Волос ба забони тоҷикӣ чоп шуд
Дар Шаҳринав риояи меъёр ва қоидаҳои техникаи бехатарӣ ҳангоми хизматрасонӣ ба сайёҳон баррасӣ гардид

Маводҳои таҳлилӣ