Барои воридот ва паҳн кардани долларҳои қалбакӣ дар Душанбе 4 нафар боздошт гардиданд

Апрель 26, 2021 14:16

ДУШАНБЕ, 26.04.2021. /АМИТ «Ховар»/.  Дар натиҷаи коркарди маълумоти фаврӣ аз тарафи кормандони Раёсати ВКД дар шаҳри Душанбе ҷиҳати ба муомилот баровардани пули қалбакӣ ва қоғазҳои қиматнок, ки омили таъсиррасонанда ба рушди бонизоми иқтисоди миллӣ маҳсуб мешавад, дар ҳудуди пойтахт як ҳолати ҷиноят ошкор гардид.  Ҳамчун гумонбар дар содир намудани ин ҷиноят 4 нафар шаҳрвандон- Искандаров Сулаймон Сайвалиевич, соли таваллудаш 1986, истиқоматкунандаи деҳаи Лоҳури ноҳияи Рӯдакӣ; Гулаҳмадов Искандар Исмонович, соли таваллудаш 1991, истиқоматкунандаи кӯчаи Н. Қарабоеви ноҳияи  Фирдавсӣ; Шукуров Фирдавс Меъроҷович, соли таваллудаш 1994, истиқоматкунандаи кӯчаи П.Сулаймонии ноҳияи  Сино; Эгамқулов Сорбон Хуршедович, соли таваллудаш 1995, истиқоматкунандаи кӯчаи А.Деҳотии ноҳияи  Фирдавсии шаҳри Душанбе дастгир карда шуданд.

Дар ин бора аз маркази матбуоти Раёсати ВКД дар шаҳри Душанбе  ба АМИТ «Ховар» хабар доданд.

Дар натиҷаи бурдани корҳои фаврӣ-ҷустуҷуӣ аз дастгиршудагон 26 адад купюраҳои 100-доллара ва 66 адад купюраҳои 50-доллара, ки дар маҷмӯъ 5 ҳазору 900 долларро ташкил медиҳанд, ҳамчун далели шайъӣ дарёфту мусодира шуданд. Тибқи ташхис, асъори мусодирашуда қалбакӣ буда, бо истифода аз дастгоҳи чопии ранга омода гардидаанд.

Ҳамчунин дар натиҷаи тафтиши пешакӣ муайян гардид, ки моҳи феврали соли ҷорӣ дастгиршуда Сулаймон Искандаров 14 ҳазор доллар купюраҳои қалбакиро ба хотири ба муомилот баровардан қабул намуда, ба рафиқаш Искандар Гулаҳмадов додааст. Гулаҳмадов Искандар ба хотири амалӣ сохтани ин кирдори ҷиноятӣ рафиқонаш Шукуров Фирдавс ва Эгамқулов Сорбонро ҷалб намуда, як қисми онро ба хориҷи кишвар ва қисми дагарашро, ки мусодира шуд, дар марказҳои дилхушӣ ва дигар маконҳо ба муомилот баровардаанд.

Тавре аз нишондоди дастгиршудагон бармеояд, гумонбаршудагон асъори қалбакиро аз хориҷи кишвар ба Ҷумҳурии Тоҷикистон ворид намудаанд, ки аз рӯи шакл, ҳаҷм ва дигар сифатҳо ба доллари аслӣ монандӣ дошта, қалбакӣ будани онро муайян кардан душвор аст.

Айни ҳол барои ба муомилот баровардани пули қалбакӣ нисбат ба дастгиршудагон бо моддаи 281 қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, номбурдагон дар ҳабси пешакӣ қарор доранд.

АКС аз Раёсати ВКД дар шаҳри Душанбе

Апрель 26, 2021 14:16

Хабарҳои дигари ин бахш

«АХЛОҚ ВА ТАРТИБОТ». Дар Душанбе фаъолияти 17 маркази дилхушӣ қатъ карда шуд
Дар Самарқанд нахустин мулоқоти вазирони мудофиаи кишварҳои Осиёи Марказӣ баргузор гардид
Нақшаи даъвати тирамоҳӣ дар Тоҷикистон 86 фоиз иҷро гардид
Дар ҷаласаи Шурои ҳамоҳангсозии прокуророни генералии ИДМ амалияи татбиқи шартномаҳо оид ба ҳамкории байналмилалии ҳуқуқӣ баррасӣ гардид
Прокуророни Тоҷикистон ва Узбекистон масоили мубориза бо ҷиноятҳои фаромарзӣ ва муташаккилро баррасӣ намуданд
Машқҳои муштараки неруҳои сулҳҷӯёнаи кишварҳои СААД бо номи «Бародарии шикастнопазир-2025» оғоз шуданд
Байни Тоҷикистон ва Русия оид ба ҳамкории мақомоти прокуратураҳои ҳарбӣ ду Созишнома ба имзо расид
Дар Тоҷикистон бо мақсади коҳиш додани сатҳи садаманокӣ амалиёти «Пиёдагард» гузаронида мешавад
Прокуророни генералии Тоҷикистон ва Қирғизистон таъмини амнияти минтақавиро баррасӣ намуданд
Дар мулоқоти Прокурори генералии Тоҷикистон бо Дабири кулли СААД масоили амнияти дастҷамъӣ баррасӣ гардид
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ баргузор мешавад
Дар Душанбе Форуми минтақавӣ-иҷлосияи роҳбарони ниҳодҳои ҳолатҳои фавқулодаи мамлакатҳои Осиёи Марказӣ баргузор шуд