Дар Шаҳринав риояи меъёр ва қоидаҳои техникаи бехатарӣ ҳангоми хизматрасонӣ ба сайёҳон баррасӣ гардид

Апрель 3, 2021 09:30

ДУШАНБЕ, 03.04.2021 /АМИТ «Ховар»/. Мавзеъҳои зебоманзари «Пушти миёна», «Патру», «Ҳакимӣ», «Обиборик», «Тахти Сулаймон», кӯлҳои «Темурдара», «Париён», «Ҷувозак» ва  истироҳатгоҳи муолиҷавии Қаратоғ барои рушди сайёҳии ноҳияи Шаҳринав нақши муассир дошта, таваҷҷуҳи садҳо нафар сайёҳони ватанию хориҷиро ба худ ҷалб намудаанд.

Ин нукта зимни ҳамоише, ки дар ноҳияи Шаҳринав оид ба риояи меъёр ва қоидаҳои техникаи бехатарӣ ҳангоми хизматрасонӣ ба сайёҳон баргузор гардид, зикр шуд. Ҳамоиш  бо ибтикори  Кумитаи рушди сайёҳӣ дар ҳамкорӣ бо мақомоти иҷроияи ҳокимияти давлатии ноҳияи Шаҳринав дар доираи амалишавии Солҳои рушди деҳот, сайёҳӣ ва ҳунарҳои мардумӣ гузаронида шуда, дар он намояндаи Кумитаи рушди сайёҳӣ, масъулини воҳидҳои сохтории мақомоти иҷроияи ҳокимияти давлатии ноҳия, роҳбарони ширкатҳои сайёҳӣ, субъектҳои хизматрасонӣ, соҳибкорони маҳаллӣ ва шахсони фаъоли ҷомеа иштирок доштанд.

Дар ҳамоиш масъалаҳои риояи меъёр ва қоидаҳои техникаи бехатарӣ ҳангоми хизматрасонӣ ба сайёҳон, аз ҷумла дар марҳилаи паҳншавии бемории сироятии КОВИД-19, таҳти назорати қатъӣ қарор додани ҳолати санитарию гигиении меҳмонхонаҳо, тарабхонаву ошхонаҳо ва маконҳои серҷамъият бо мақсади пешгирӣ аз ҳар гуна бемориҳои сирояткунанда, рушди самтҳои афзалиятноки сайёҳӣ дар ноҳия, аз қабили кӯҳнавардӣ, варзишӣ, пиёдагардӣ ва экологӣ, дар мазеъҳои кӯҳӣ сохтани меҳмонхонаҳои хурди қабули сайёҳон ва ташкили омӯзишҳо бо ҷалби соҳибкорон дар самти рекламаҳои иҷтимоӣ баррасӣ гардиданд.

Ноҳияи Шаҳринав дорои боду ҳавои мусоид, меваҳои шаҳдбор, манзараҳои нотакрори табиат, кӯҳҳои осмонбӯс, пиряхҳо, обҳои ширини шифобахш, кӯлҳо, чашмаҳои мусаффо, гиёҳҳои шифобахш, ҳайвоноту наботот буда, як олами нотакрор ва макони беҳтарини сайру саёҳат мебошад. Солҳои охир дар ин ҷо сайёҳии экологӣ, кӯҳнавардӣ, зиёратӣ, таърихию фарҳангӣ ва шикору моҳидорӣ рушд ёфта истодааст.

Бо дарназардошти дорои имконоти зиёди сайёҳӣ ва ҳунармандӣ будани ноҳияи Шаҳринав Кумитаи рушди сайёҳӣ пайваста дар барномаҳои сатҳи миллию байналмилалӣ мақомоти ноҳияро бо мақсади муаррифии захираҳои сайёҳии минтақа ҷалб менамояд.

 

АКСҲО аз Кумитаи рушди сайёҳӣ

Апрель 3, 2021 09:30

Хабарҳои дигари ин бахш

«Мирзо Турсунзода ва Ҳиндустон». Таҳти чунин унвон дар Осорхонаи миллии Тоҷикистон намоиш ва конфронси илмӣ доир шуд
Дар шаҳри Хуҷанд мактаби «Оксфорд» бунёд мегардад
Маркази миллии тестӣ: Давраи бақайдгирии ИМД то 30 апрел тамдид карда шуд
«Андалеб-2021» 30 соли Истиқлоли давлатиро бо тобишҳои рангин инъикос мекунад
«ДУШАНБЕ — ҚАЛБИ ТОҶИКИСТОН». Қисми 2-юми ин китоб рӯнамоӣ гардид, ки он беҳтарин туҳфа дар Рӯзи пойтахт мебошад
Дар Душанбе масъалаи ҷалби сармоя ба рушди инфрасохтори сайёҳии Тоҷикистон бо гурӯҳи сармоягузорони Россия баррасӣ гардид
«Ғубор ба Тоҷикистон аз дуриҳо меояд»,- шарҳи матбуоти даврии Тоҷикистон
Ширкати «Serba Dinamik Holding Berhad»-и Малайзия тасмим дорад дар Тоҷикистон Донишгоҳи технологияи иттилоотӣ таъсис диҳад
«Комсомолская правда»: Пугачёва Манижаро дастгирӣ ва пирӯзиашро дар «Евровидение» пешгӯӣ кард
Раиси Кумитаи рушди сайёҳии Тоҷикистон бо мудири иҷроияи «ISC»-и Малайзия мулоқот намуд
«Тоҷикистон — кишвари дарёҳои тиллоӣ». Таҳти чунин унвон Намоишгоҳи нигораҳои таърихӣ дар Осорхонаи Гимеи Париж баргузор мегардад
ИМРӮЗ – ЗОДРӮЗИ САДРИДДИН АЙНӢ. Дар натиҷаи ҷустуҷӯҳо 30 шеъри тозаи устод пайдо гардид

Маводҳои таҳлилӣ