Дар Тошканд ҳамоиши занҳои роҳбари кишварҳои СҲШ баргузор мешавад. Ҳилолбӣ Қурбонзода бо сухани ифтитоҳӣ ба иштирокчиён муроҷиат мекунад
ДУШАНБЕ, 06.04.2021 /АМИТ «Ховар»/. Дар Донишгоҳи иқтисоди ҷаҳонӣ ва дипломатияи Вазорати корҳои хориҷии Ӯзбекистон дар Тошканд пагоҳ, 7 апрел, дар шакли видеоконфронс ҳамоиши занони роҳбари давлатҳои аъзои СҲШ дар мавзӯи «Баланд бардоштани нақши занон дар таъмини рушди устувор» баргузор мешавад. Намояндагони Вазорати меҳнат, муҳоҷират ва шуғли аҳолии Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон ва Маркази тадқиқоти стратегии назди Президенти Ҷумҳурии Тоҷикистон дар он иштирок ва суханронӣ мекунанд.
Роҳбари Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода ба иштирокчиёни ҳамоиш бо сухани ифтитоҳӣ муроҷиат намуда, дар бораи тадбирҳои андешидаи Тоҷикистон ҷиҳати баланд бардоштани нақш ва мақоми занон дар мамлакати мо нақл хоҳад кард.
Ёдовар мешавем, ки ҳадафи асосии ҳамоиш баррасии нақши занони роҳбари асри 21 дар татбиқи ислоҳоти иҷтимоию сиёсӣ дар арсаи байналмилалӣ, таъмини Ҳадафҳои рушди устувор, ҳуқуқҳои иқтисодӣ, сиёсӣ, иҷтимоӣ ва шаҳрвандии занон, инчунин коркарди пешниҳодҳо ва тавсияҳои илмию амалӣ дар асоси таҷрибаи мусбати кишварҳои узви СҲШ дар соҳаҳои дар боло зикршуда мебошад.
Диққати махсус ба масъалаи нақши занони роҳбар ва ҷавонон дар роҳандозии дипломатияи фарҳангӣ ва мардумӣ дода мешавад. Аз ҷумла, нақши СҲШ дар ҷаҳон, саҳми созмон дар рушди иҷтимоӣ, нақши занон ва ҷавонон дар роҳандозии дипломатияи мардумӣ ва фарҳангӣ ва дар муносибатҳои байнидавлатӣ баррасӣ хоҳад шуд.
Аксҳо аз АМИТ«Ховар»
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
