Донишгоҳи Ҷумҳурии Мардумии Чин ба довталабон аз рӯи зинаи магистратура бурсияҳои таҳсилӣ пешниҳод менамояд

ДУШАНБЕ, 02.04.2021 /АМИТ «Ховар»/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон ба диққати довталабон мерасонад, ки Донишгоҳи халқии Ренмини Ҷумҳурии Мардумии Чин барои соли таҳсили 2021-2022 аз рӯи зинаи магистратура дар барномаи баъдии дипломии англисии “Роҳи абрешим – Су ҷов” бурсияҳои таҳсилӣ пешниҳод  кардааст.

Қабули бақайдгирӣ то 20 апрели соли 2021 муайян шуда, довталабон метавонанд ба суроғаи  шаҳри Душанбе, кӯчаи Мирзо Турсунзода 47 муроҷиат намоянд.

Ҳуҷҷатҳои лозима:

1. Ариза (дар шакли электронӣ хонапурӣ карда мешавад);
2. Шиносномаи хориҷӣ;
3. Диплом бо тарҷумаи забони англисӣ ё чинӣ аз тарафи нотариус тасдиқ карда шуда;
4. Маълумотномаи тиббӣ (намунаи маълумотномаро метавонед аз сомонаи расмии барнома ё Маркази барномаҳои байналмилалӣ дастрас намоед);
5. Ҳолнома (резюме ё CV бо забони англисӣ);
6. Тавсифнома бо забони англисӣ ё чинӣ;
7. Сертификатҳои малакаи забондонии IELTS 6, TOEFL 90 ё эквиваленти ба он баробар;
8. Маълумотнома оид ба доғи судӣ надоштан бо тарҷумаи забони англисӣ ё чинӣ аз тарафи нотариус тасдиқ карда шуда;
9. Кафолатнома (намунаи маълумотномаро метавонед аз сомонаи расмии барнома ё Маркази барномаҳои байналмилалӣ дастрас намоед).
10. Депозити бонкӣ бо нишондиҳандаи 30 ҳазор юан.

Довталабонро зарур аст, ки дар вебсайти srs.ruc.edu.cn худро ба қайд гирифта, ҳуҷҷатҳои лозимаро дар шакли электронӣ бо формати PDF дар саҳифаҳои шахсии худ гузоранд. Инчунин ҳаққи хизматрасонӣ ва ба қайдгирӣ 800 юан муқаррар гардидааст.

Телефон барои маълумот: 2-23-23-59

АКС: аз аз манбаъҳои боз