Машқҳои Системаи муттаҳидаи ДЗҲ -и ИДМ моҳи сентябр дар машқгоҳҳои Россия, Қазоқистон ва Тоҷикистон сурат мегиранд
ДУШАНБЕ, 15.04.2021 /АМИТ «Ховар»/. Машқҳои муштараки Системаи муттаҳидаи дифои зиддиҳавоӣ (ДЗҲ) -и кишварҳои ИДМ «Иттиҳоди ҷангӣ — 2021» моҳи сентябри соли равон дар машқгоҳҳои низомии Россия, Қазоқистон ва Тоҷикистон баргузор мешаванд. Тавре АМИТ «Ховар» бо истинод ба “Интерфакс” хабар медиҳад, дар ин хусус фармондеҳи неруҳои дифои зиддиҳавоӣ ва зиддимушакии Қувваҳои Мусаллаҳи ФР, муовини сарфармондеҳи неруҳои низомии кайҳонӣ, генерал-лейтенант Юрий Грехов ба хабарнигорон иттилоъ додааст.
«Дар ҷараёни машқҳо истифодаи машқгоҳҳои таълимии Ашулуки Федератсияи Россия, Сари-Шагани Ҷумҳурии Қазоқистон, Ҳарб-Майдон ва Чоруқдарони Ҷумҳурии Тоҷикистон ба нақша гирифта шудааст. Дар ин машқҳо воҳидҳои ҷангии қӯшунҳои ДЗҲ ва неруҳои ҳарбӣ-ҳавоии (НҲҲ) Беларус, Россия, Қазоқистон, Қирғизистон ва Тоҷикистон ширкат хоҳанд кард», — гуфт ӯ пас аз ҷамъбасти натиҷаи ҷаласаи Кумитаи ҳамоҳангсозӣ оид ба масъалаҳои ДЗҲ -и кишварҳои ИДМ.
Дар ҷараёни машқҳо, коркард ва такомули масоили истифодаи гурӯҳҳои авиатсия ва қӯшунҳои ДЗҲ -и кишварҳои ИДМ зимни амалиёти зиддитеррористӣ ва муноқишаҳои мусаллаҳ ба нақша гирифта шудааст. Ҳадафҳои асосии машқҳо баланд бардоштани сатҳи ҳамоҳангсозии ҷангии қӯшунҳои ДЗҲ -и кишварҳои ИДМ ва такмил додани масъалаҳои ҳамкории онҳо ҳангоми амалиёти ҳарбӣ, инчунин таҳқиқи масъалаҳои мушкили истифодаи муштараки қӯшунҳо хоҳанд буд.
Системаи муттаҳидаи дифоъи зидди ҳавоӣ дар асоси созишнома байни 10 кишвари ИДМ, ки 10 феврали соли 1995 дар Алма-Ато ба имзо расида буд, сохта шудааст. Муҳлати созишнома номаҳдуд ва он барои ҳамроҳшавии кишварҳои дигар боз аст. Дар он Россия, Арманистон, Беларус, Қазоқистон, Қирғизистон, Тоҷикистон ва Ӯзбекистон шомил мебошанд.
Ҳоло дар ҳайати қувваҳо ва воситаҳои Системаи муттаҳидаи дифои зиддиҳавоии ИДМ қариб 20 қисми авиатсионӣ, зиёда аз 50 қисми қӯшунҳои мушакии зиддиҳавоӣ ва радиотехникӣ, қариб 10 бригадаи ДЗҲ шомил мебошанд. Инчунин дар ҳайати Системаи муттаҳидаи дифои зиддиҳавоии ИДМ қисмҳои муборизаи электронӣ шомил карда шудаанд.
АКС аз манбаъҳои озод
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
