Ба муносибати Рӯзи қушунҳои дохилӣ ҳамоиши тантанавӣ баргузор шуд
ДУШАНБЕ, 11.04.2026. /АМИТ «Ховар»/. Бахшида ба Рӯзи қушунҳои дохилии Ҷумҳурии Тоҷикистон (10 апрел) дар Муассисаи давлатии «Театри академии опера ва балети ба номи Садриддин Айнӣ» ҷамъомади тантанавӣ доир шуд. Дар ин хусус ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.
Вазири корҳои дохилӣ Рамазон Раҳимзода зимни ҷамъомад иброз дошт, ки қӯшунҳои Вазорати корҳои дохилӣ ҷузъу томи ҷудонашандаи Қувваҳои Мусаллаҳи мамлакат аст, ки сарфармондеҳ ва таъсисдиҳандаи ин сохтор Президенти Тоҷикистон муҳтарам Эмомалӣ Раҳмон мебошанд.
Изҳор шуд, ки таърихи таъсиси Қӯшунҳои дохилии Ҷумҳурии Тоҷикистон марҳилаи муҳиму тақдирсоз дар раванди ташаккули давлатдории миллӣ ба ҳисоб меравад. Пас аз пошхӯрии собиқ Иттиҳоди Шуравӣ ва ба даст овардани Истиқлолияти давлатӣ, давлат ба мушкилоти ҷиддии сиёсию амниятӣ рӯ ба рӯ гардид. Дар он давра бинобар набудани заминаи мустаҳками ҳарбӣ ва сар задани ҷанги шаҳрвандӣ, зарурати таъсиси Қувваҳои мусаллаҳи миллӣ пайдо шуд.
Таъкид гардид, ки дар чунин шароити ҳассос ва пурмасъулият, ташкили сохторҳои ҳарбӣ, аз ҷумла Қӯшунҳои дохилӣ зери роҳбарии Президенти Ҷумҳурии Тоҷикистон муҳтарам Эмомалӣ Раҳмон амалӣ гардид. Бо талошҳои пайгирона ва сиёсати хирадмандонаи роҳбарияти давлат, Қувваҳои мусаллаҳ аз сифр таъсис дода шуда, ки имрӯз ба як ниҳоди муҳим табдил ёфтааст. Қӯшунҳои дохилӣ ҳамчун ҷузъи муҳими ин сохтор, дар таъмини тартиботи ҷамъиятӣ, амнияти шаҳрвандон ва ҳифзи арзишҳои давлатдорӣ нақши калидӣ доранд.
Дар фарҷом бо мақсади болидарӯҳии ҳайати шахсӣ ва таҳкими рӯҳияи ватандӯстии хизматчиёни ҳарбӣ барномаи фарҳангӣ доир гардид.
АКС: Вазорати корҳои дохилии Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
