Дар Тоҷикистон машварати минтақавии роҳбарони идораҳои сарҳадии кишварҳои аъзои ИДМ баргузор шуд
ДУШАНБЕ, 09.04.2026. /АМИТ «Ховар»/. 8 апрел дар вилояти Суғди Ҷумҳурии Тоҷикистон машварати 9-уми минтақавии роҳбарони идораҳои сарҳадии кишварҳои аъзои Иттиҳоди Давлатҳои Мустақил баргузор гардид.
Дар машварат роҳбарони идораҳои сарҳадии ҷумҳуриҳои Узбекистон, Беларус, Тоҷикистон, Қазоқистон, Қирғизистон, Федератсияи Русия, Хадамоти ҳамоҳангсозии Шурои фармондеҳони Қӯшунҳои сарҳадӣ, Маркази зиддитеррористии кишварҳои аъзои Иттиҳоди Давлатҳои Мустақил, роҳбарон ва котиботи Созмони Аҳдномаи амнияти дастҷамъӣ иштирок намуданд.
Иброз гардид, ки бо сиёсати оқилонаи роҳбарони кишварҳои Иттиҳоди Давлатҳои Мустақил имрӯзҳо дар минтақа сулҳу субот пойдор буда, ҳамкорӣ дар байни давлатҳо дар ҳоли рушд аст.
Дар ҷараёни машварат иштирокчиён тадбирҳои андешидашавандаи идораҳои сарҳадии кишварҳои аъзои Иттиҳоди Давлатҳои Мустақилро барои муқовимат ба таҳдидҳои амнияти сарҳадӣ дар сарҳадҳои берунии давлатҳои минтақаи Осиёи Марказӣ баррасӣ намуданд.
Инчунин ҷонибҳо аҳамияти “Барномаи ҳамкории кишварҳои аъзои Иттиҳоди Давлатҳои Мустақил барои таҳкими амнияти сарҳадӣ дар сарҳадҳои берунӣ барои солҳои 2026–2030”-ро механизми амалии татбиқи сиёсати ҳамоҳангшудаи сарҳадӣ унвон намуданд.
Иштирокчиёни ҷаласа таҷрибаи мусбати ба рӯзномаи вохӯриҳои корӣ ворид намудани масъалаҳои мутахассисони (намояндагони) мақомоти марзӣ аз рӯйи самтҳои гуногуни фаъолият ва форумҳои байналмилалии илмиро, ки ба мубодилаи таҷрибаи амалӣ оид ба муқовимати пешгирикунанда ба таҳдидҳо ва хатарҳои муосири амнияти марзӣ марбутанд, эътироф карданд.
Аз рӯйи натиҷаҳои ҷаласа маҷмуи тадбирҳои амалӣ барои таъмини вазъи устувор дар сарҳадҳои берунии Иттиҳоди Давлатҳои Мустақил таҳия гардид.
Дар ин рӯз иштирокчиён дар шаҳри Гулистон бо намоишгоҳи маҳсулот, ҳунару ҳунармандӣ, таомҳои миллӣ ва анъанаҳои хоси миллати куҳанбунёди тоҷик шинос шуданд.
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
