Президенти Ӯзбекистон Шавкат Мирзиёев Сафири Тоҷикистонро ба ҳузур пазируфт
ДУШАНБЕ, 24.04.2021 /АМИТ «Ховар»/. 23 апрел Президенти Ҷумҳурии Ӯзбекистон Шавкат Мирзиёев Сафири Фавқулода ва Мухтори Ҷумҳурии Тоҷикистон Содик Имомиро, ки маъмурияти дипломатиаш дар Тошканд ба итмом мерасад, ба ҳузур пазируфт.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни суҳбат Шавкат Мирзиёев сатҳи олии дӯстӣ, ҳамсоягии нек ва шарикии стратегии ӯзбеку тоҷикро, ки ба туфайли иродаи сиёсӣ ва қадамҳои қатъии роҳбарони ду кишвари бародар ба даст омадааст, махсус қайд кард.
Дар идома иброз намуд, ки айни замон, ҳамкории дуҷониба беистисно ҳама соҳаҳоро фаро мегирад ва бо мундариҷаи мушаххас пур шуда, босуръат рушд мекунад.
Президенти Ҷумҳурии Ӯзбекистон Шавкат Мирзиёев, Сафири Ҷумҳурии Тоҷикистон Содиқ Имомиро барои хидматҳои бузург дар ноил шудан ба сатҳи олии муосири муносибатҳои дуҷониба ва саҳми шахсӣ дар рушди ҳамкориҳои гуногунҷабҳа бо Ифтихорномаи Ҷумҳурии Ӯзбекистон сарфароз гардонд.
Дар навбати худ, Сафир ба Президенти Ҷумҳурии Ӯзбекистон барои баҳои баланд ва дастгирии ҳамаҷониба ба фаъолияти ӯ изҳори миннатдории самимӣ кард.
Ҳамчунин ӯ таъкид кард, ки бешак дар оянда низ барои амалӣ намудани ҳадафҳо ва вазифаҳо ҷиҳати таҳкими муносибатҳои бародаронаи ду кишвар ва миллат саъй хоҳад кард.
АКСҲО аз ВКХ ҶТ
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
