Рамазон Раҳимзода дар ҷаласаи ҷамъбастии фаъолияти семоҳаи Раёсати Вазорати корҳои дохилӣ дар Вилояти Мухтори Кӯҳистони Бадахшон иштирок намуд
ДУШАНБЕ, 20.04.2021 /АМИТ «Ховар»/. Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода дар ҷаласаи ҷамъбастии фаъолияти семоҳаи фаврӣ-хизматӣ дар Раёсати Вазорати корҳои дохилӣ дар Вилояти Мухтори Кӯҳистони Бадахшон иштирок намуда, оид ба пешгирии сатҳи ҷиноятсодиркунӣ, мубориза бо терроризму экстремизм, муомилоти ғайриқонунии маводи нашъадор, мусодираи силоҳ ва муҳимоти ҷангӣ сухан гуфт.
Ҳамзамон аз ҷониби Вазири корҳои дохилӣ баҳри пешгирии муомилоти ғайриқонунии сангҳои қиматбаҳо, шикори ғайриқонунии ҳайвонҳои нодир, нӯшокиҳои спиртии пастсифат, баланд бардоштани масъулияти падару модар дар таълиму тарбияи фарзанд, дар сатҳи баланд гузаронидани чорабиниҳои сиёсии дар пешистодаю идҳо, танзими анъана ва ҷашну маросим дар Ҷумҳурии Тоҷикистон ва пешгирии амалу кирдорҳои номатлуб дар ҷомеа супоришҳои мушаххас дода шуданд.
Зимни ҷаласа бобати беҳдошти саломатии шаҳрвандон, истифодаи оқилонаи неруи барқ ва сазовор пешвоз гирифтани ҷашни 30-солагии Истиқлоли давлатии Ҷумҳурии Тоҷикистон ва таъмини муҳофизати марзу буми кишвар таъкид гардид.
Дар ҷараёни ҷаласа дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни сафари кориашон ба ВМКБ ва вохӯрӣ бо фаъолони вилоят ва иҷрои супоришҳое, ки дар назди Ситоди байниидоравии мақомоти ҳифзи ҳуқуқ ва таъмини амният дар вилоят гузошта шудаанд, мавридӣ баррасӣ қарор гирифтанд.
Дар зимн диққати масъулини соҳа ба боло бурдани савияи дониши ҳуқуқии шаҳрвандон ва пешгирии омилҳои зишту номатлуб дар ҷомеа ҷалб карда шуд.
АКСҲО аз сомонаи ВКД
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
