Сарвазири Тоҷикистон Қоҳир Расулзода бинои маъмурии бахши ҳифзи муҳити зистро дар ноҳияи Абдураҳмони Ҷомӣ ба истифода дод
ДУШАНБЕ, 13.04.2021 /АМИТ «Ховар»/. Тавре қаблан хабар додем, Сарвазири мамлакат Қоҳир Расулзода дар доираи сафари корӣ аз ноҳияи Абдураҳмони Ҷомӣ дидан намуд. Бо иштироки Сарвазири мамлакат бинои маъмурии бахши ҳифзи муҳити зисти ноҳияи мазкур, ки ҳамчун иншооти ҷашнӣ ба ифтихори 30-солагии Истиқлоли давлатии Ҷумҳурии Тоҷикистон бунёд гардидааст, мавриди истифода қарор дода шуд. Дар ин бора аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд.
Масоҳати умумии бино 400 м3 -ро ташкил медиҳад. Бино аз 3 ошёна, 5 утоқи корӣ, 2 утоқи истироҳатӣ ва 1 адад толори хурд барои баргузории маҷлисҳои бахш иборат мебошад.
Фармоишгари бинои маъмурӣ Кумитаи ҳифзи муҳити зисти назди Ҳукумати Ҷумҳурии Тоҷикистон, пудратчӣ ҶДММ “Дилафрӯз” мебошад.
Зимни иҷрои корҳои сохтмонӣ аз 15 то 20 нафар сокинони маҳаллӣ бо кор ва маоши хуб таъмин гардидаанд.
Атрофи бинои мазкур чароғон ва ободу зебо гардонида шуда, гулу буттаҳо ва ниҳолҳои дарахтони сояафкану ороишӣ шинонида шудаанд.
Баъд аз ифтитоҳи иншооти ҷашнӣ Сарвазири мамлакат Қоҳир Расулзода ҳамроҳ бо раиси вилояти Хатлон Қурбон Ҳакимзода дар хоҷагии деҳқонии «Раҳмат-3»-и Ҷамоати деҳоти Яккатути ноҳияи Абдураҳмони Ҷомӣ ба кишти пахта оғоз намуд. Майдони умумии ин хочагии деҳқонӣ 13 гектарро дар бар гирифта, дар 10 гектари он чигит кишт карда мешавад. Дар 2 гектар гандум кишт шуда, дар 1 гектари дигараш маҳсулоти полезӣ кишт шудааст, ки нашъу намояш хуб мебошад.
Майдони заминҳои корами ноҳияи Абдураҳмони Ҷомӣ 15 508 гектарро дар бар мегирад, ки аз ин дар майдони 8100 гектар кишти чигит дар назар аст. Дар айни замон дар майдони 6600 гектар пунбадона кишт шудааст.
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
Дар ноҳияи Мастчоҳ 200 иншооти таъйиноти гуногун бунёд карда мешавад
Дар шаҳри Ҳисор лоиҳаи бунёди мактабҳои нав муаррифӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
35-СОЛАГИИ ИСТИҚЛОЛИ ДАВЛАТӢ. Дар Бадахшон корҳои созандагию бунёдкорӣ вусъат меёбанд
СОЛИ ОБОДОНИВУ СОЗАНДАГӢ. Дар ҳудуди ёдгориҳои таърихии ноҳияи Данғара ҳашари тозагӣ ва сабзкорӣ гузаронида шуд
