Шабонарӯзи охир дар ҷаҳон зиёда аз 897 ҳазор ҳолати сирояти коронавирус ошкор шуд

ДУШАНБЕ, 24.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 897 ҳазор афзоиш ёфта, аз 146,33 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 15:00 (ба вақти Душанбе)-и 24 апрел, ба СУТ дар бораи 146 334 565 сироятшуда ва 3 102 033 фавт маълумот расидааст. Шумораи гирифторони ин беморӣ шабонарӯзи охир 897 251 нафар ва фавтидагон 14 249 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 32 735 704. Баъд аз он Ҳиндустон (16 610 481), Бразилия (14 238 110), Франсия (5 440 946), Россия (4 753 789), Туркия (4 550 820), Британияи Кабир (4 401 109), Италия (3 935 703), Испания (3 468 617), Германия (3 261 764), Аргентина (2 824 652) ва Полша (2 751 632) қарор доранд.

АКС аз Валерий Шарифулин / ТАСС