Вазири нақлиёт аз масъулин тақозо намуд, ки кормандони муассисаҳои нигоҳдории роҳҳоро бо либос ва пойафзоли босифати корӣ таъмин созанд

Апрель 6, 2021 11:13

ДУШАНБЕ, 06.04.2021 /АМИТ «Ховар»/. Вазири нақлиёти Тоҷикистон Азим Иброҳим зимни сафари корӣ ба ноҳияи Данғара бо кормандони Муассисаи давлатии нигоҳдории роҳҳои автомобилгарди ноҳияи Данғара, ки дар ҳудуди истироҳатгоҳи «Баҳри кабуд» ба тозакунии ҷӯйборҳо ва бартарафсозии сангҳои ба рӯи роҳ афтида машғул буданд, суҳбати корӣ анҷом дод, иттилоъ медиҳад Вазорати нақлиёти ҷумҳурӣ.

Кормандон изҳор доштанд, ки музди меҳнаташонро сари вақт мегиранд, аммо аз сифати пасти либосу пойафзоли зимистона ва тобистона, ки дар ду сол як маротиба аз тарафи Вазорати нақлиёт таъмин мегардад, изҳори норозигӣ карданд.

Вазири нақлиёт аз сардори раёсатҳои молия ва корҳо талаб намуд, ки бо риояи меъёрҳои мавҷуда  минбаъд пойафзоли мавсимӣ  пеш аз харид кардан аз ҷониби масъулин мавриди омӯзиши ҷиддӣ  қарор дода шавад ва навъи интихобшуда танҳо бо сифату ҷавобгӯӣ ба  талаботи пойафзоли мавсимӣ  интихоб ва харид гардад. Пойафзоли босифате бояд интихоб шавад, то ки кормандони муассисаҳои роҳнигоҳдорӣ тавонанд онро дар ду фасли сол истифода баранд.    Ҳамчунин Вазири нақлиёт ба масъулин супориш дод, ки кормандони муассисаҳои нигоҳдории роҳҳоро дар фаслҳои баҳору тирамоҳ бо либосҳои болопӯши боронӣ таъмин созанд.

     Акс аз Вазорати нақлиёт

Апрель 6, 2021 11:13

Хабарҳои дигари ин бахш

Байни Тоҷикистон ва Чин долони нави ҳавоӣ ифтитоҳ гардид
Тоҷикистон ва Чин тақвияти ҳамкории авиатсиониро баррасӣ намуданд
Тоҷикистон ва Бонки ҷаҳонӣ масъалаи тезонидани бунёди марказҳои агрологистикиро баррасӣ намуданд
НИГОҲДОРИИ РОҲҲО ДАР ЗИМИСТОН. Масъулини Вазорати нақлиёти Тоҷикистон дар ин масъала гузориш доданд
Дар 30 корхонаи вилояти Суғд соли равон 3724 тонна равған истеҳсол шудааст
Дар Боку нахустин ҷаласаи муассисаҳои таълимии дорои ихтисоси сайёҳии давлатҳои аъзои Созмони ҳамкории иқтисодӣ доир гардид
Дар Душанбе Созишномаи қарзӣ байни Ҳукумати Тоҷикистон ва Фонди Саудии Рушд оид ба лоиҳаи НБО-и «Роғун» ба имзо расонида шуд
Султон Абдулраҳмон ал-Маршад: «Фонди Саудии Рушд Созишномаро оид ба ҷудо намудани 100 миллион доллари амрикоӣ барои сохтмони НБО-и «Роғун» ба имзо мерасонад»
Далер Ҷумъа: «Тоҷикистон метавонад дар бунёди бозори минтақавии неруи барқ саҳми арзанда гузорад»
Дар Минтақаи озоди иқтисодии «Данғара» дар 10 моҳ 8 корхонаи саноатӣ фаъолият намудааст
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
ПАРКҲОИ ТЕХНОЛОГӢ. Чаро онҳо мутобиқ ба талаботи замон фаъолият надоранд?