Бахшида ба Рӯзи байналмилалии оила дар ноҳияи Мастчоҳ ҳамоиш баргузор гардид
ДУШАНБЕ, 15.05.2021 /АМИТ «Ховар»/. 14 май бахшида ба Рӯзи байналмилалии оила дар тарабхонаи «Бӯстон»-и маркази ноҳияи Мастчоҳ – шаҳраки Бӯстон ҳамоиш баргузор гардид. Дар ҳамоиши мазкур Раиси ноҳияи Мастчоҳ Тоҳир Азиззода, оилаҳои намунавӣ аз тамоми шаҳраку деҳоти ноҳия ва намояндагони касбу кори гуногун иштирок намуданд.
Тавре аз маркази матбуоти Раиси ноҳияи Мастчоҳ ба АМИТ “Ховар” иттилоъ доданд, Тоҳир Азиззода иброз дошт, ки ташкили оила аз ҷумлаи ҳуқуқҳои асосии одамон буда, бунёди оилаи солим асоси ҷомеаи солим мебошад. “Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон таъкид намудаанд, ки «оила дар фарҳанги мардуми куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбанд»,- гуфт Раиси ноҳияи Мастчоҳ.
Зимни баргузории ҳамоиши мазкур ақди никоҳи ду оилаи навташкил доир шуда, ба як оилаи ҷавони хушбахт, ки соҳиби дугоник гардидаанд, шаҳодатномаҳои таваллуди фарзандон ва армуғони идона тақдим гардид. Ҳамчунин ба як гурӯҳ оилаҳои намунавӣ туҳфаҳои хотиравии мақомоти иҷроияи ҳокимияти давлатии ноҳия аз ҷониби Раиси ноҳия тақдим карда шуд.
Раиси Шӯрои собиқадорони ҷангу меҳнати ноҳияи Мастчоҳ Сурайё Яъқубова доир ба фарҳанги оиладории ҷавонон мулоҳизаҳои судманд баён дошта, онҳоро ба сабру таҳаммул ва пойдор нигоҳ доштани хонадонашон даъват намуд.
Дар анҷом ҳунарнамоии санъаткорони ноҳия табъи иштирокчиёнро болида гардонид.
АКС аз МИҲД ноҳияи Мастчоҳ
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
