Дар Донишкадаи исломӣ китоби «Тоҷикон»-и аллома Бобоҷон Ғафуров ба донишҷӯён муаррифӣ гардид
ДУШАНБЕ, 07.05.2021 /АМИТ «Ховар»/. Имрӯз бо ташаббуси Маркази исломшиносӣ дар назди Президенти Ҷумҳурии Тоҷикистон дар Донишкадаи исломии Ҷумҳурии Тоҷикистон ба номи Имоми Аъзам Абӯҳанифа Нуъмон ибни Собит баҳри муаррифии шоҳасари аллома Бобоҷон Ғафуров- китоби «Тоҷикон» ҳамоиш баргузор гардид.
Дар кори он директори Маркази исломшиносӣ Абдураҳим Холиқзода, ректори Донишкадаи исломӣ Нусратулло Зокирзода ва донишҷӯёну устодони донишкадаи мазкур иштирок намуданд.
Зикр гардид, ки Маркази исломшиносӣ ҷиҳати иҷрои супоришҳое, ки дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз 26 январи соли 2021 «Дар бораи сиёсати дохилию хориҷии Ҷумҳурии Тоҷикистон» зикр гардидаанд, нақшаи чорабиниҳо тасдиқ намуда, тибқи он силсиламашварату нишастҳои илмӣ ба нақша гирифтааст. Конференсияи имрӯза аз доираи чунин чорабиниҳо мебошад.
Сардори шуъбаи пажуҳиши маъхазҳои исломии Маркази исломшиносӣ, доктори илмҳои таърих Сайфуллоҳи Муллоҷон дар ҳамоиш иброз дошт, ки китоби «Тоҷикон» дар он замон дар ду қутби ҷаҳони шарқ- ҷаҳони сотсиалистӣ дар Ҷумҳурии Мардумии Чин ва Полша, инчунин дар Кобули Афғонистон низ нашр шуда буд. Ин аз он шаҳодат медиҳад, ки ҷойгоҳи китоби «Тоҷикон» дар кишварҳои дигар ҳам хеле баланд буд.
-«Китоби «Тоҷикон»-и мутафаккири барҷаста, Қаҳрамони Тоҷикистон Бобоҷон Ғафуров намунаи бебаҳотарин ва безаволи таърихӣ буда, даҳсолаҳост, ки арзиши худро гум накардааст ва умри он ҷовидонӣ хоҳад буд»,-афзуд Сайфуллоҳи Муллоҷон .
Ҳамзамон тазаккур дода шуд, ки бо мақсади омӯзиши таърихи пурифтихори халқи тоҷик шоҳасари Бобоҷон Ғафуров- китоби «Тоҷикон» аз ҳисоби Фонди Президенти Ҷумҳурии Тоҷикистон чоп гардида, то 30-солагии Истиқлоли давлатии Ҷумҳурии Тоҷикистон аз номи Сарвари давлат ба ҳар оилаи мамлакат ҳамчун туҳфа тақдим мегардад.
Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми имсола зикр намуданд, «таърихи пурифтихори халқи тоҷик мактаби бузурги худшиносӣ мебошад ва мо вазифадорем, ки ба он арҷ гузорем, саҳифаҳои дурахшони қаҳрамониву диловарии гузаштагони худро омӯзем ва онро ҳамчун ғояи асосии ватандӯстиву садоқат ба Ватан ташвиқ намоем».
Дар охири ҳамоиш иштирокдорон оид ба китоби «Тоҷикон» фикру мулоҳизаҳояшонро баён намуданд.
София ШОИК,
АМИТ «Ховар»
АКСҲО аз АМИТ «Ховар»
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
