Филми Румӣ Шоазимов ба барномаи асосии озмунии Кинофоруми ХХХ ҷашнии байналмилалии «Гурди тиллоӣ» шомил шуд
ДУШАНБЕ, 19.05.2021 /АМИТ «Ховар»/. Филми «Хаёлпарастони музофотӣ»-и коргардони ҷавон ва боистеъдоди тоҷик Румӣ Шоазимов ба барномаи асосии озмунии Кинофоруми ХХХ ҷашнии байналмилалии «Гурди тиллоӣ» шомил шуд.
Тавре ки худи коргардони филм ба хабарнигори АМИТ «Ховар» хабар дод, «Гурди тиллоӣ» аз 22 то 31 май дар Севастопол баргузор мешавад.
Аз ҷумлаи беш аз 500 асар ҳайати коршиносон барои иштирок дар барномаи озмунӣ 155 филмро аз 25 кишвар дар 6 категория — филмҳои бадеӣ, филмҳои пурраметражи мустанад, филмҳои кӯтоҳметражи мустанад, филмҳои тасвирӣ, филмҳои дебютӣ ва донишҷӯён ва филмҳо барои кӯдакон интихоб намуд.
Филми «Хаёлпарастони музофотӣ» дар бахши «Филмҳои бадеии пурраметраж» муаррифӣ шудааст.
Бояд гуфт, ки ин филм, ки дар киностудияи «Тоҷикфилм» ба навор гирифта шудааст, соли гузашта дар ҷашнвораи байналмилалии филмҳои «Падарон ва фарзандон» дар Орел (Россия) аллакай сазовори се ҷоиза шуда буд.
Ғайр аз ин, он бо номинаи махсуси раиси ҳакамони Фестивали байналмилалии филмҳои «Leonid Khromov International Film Festival — 2020» — «Бозёфти сол» қадршиносӣ шудааст.
«Филми ман «Хаёлпарастони музофотӣ» дар жанри мураккаби ҳаҷвӣ наворбардорӣ шудааст. Филм рангин, ғайриодӣ буда, аз ду қисм иборат мебошад. Онҳо ба арзишҳои оилавӣ ва идомаи робита байни наслҳо вобастагӣ доранд», — иброз намуд Румӣ Шоазимов.
Кинофоруми байналмилалии «Гурди тиллоӣ» — фестивалест, ки аз соли 1992 ба ин тараф баргузор мешавад. Аз соли 2010 кино, театр, мусиқӣ, адабиёт ва санъати тасвириро таҳти сарпарастии Форуми славянии санъат «Гурди тиллоӣ» муттаҳид мекунад. Фестивал таҳти шиори «Барои ормонҳои ахлоқӣ. Барои баланд бардоштани рӯҳи инсон» баргузор мешавад.
АКС аз Румӣ Шоазимов
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
Дар Тоҷикистон Рӯзҳои фарҳанги Ҷумҳурии Мардумии Чин доир мегарданд
Ба зиёда аз 36 ҳазор хонаводаи ноҳияи Ҷалолиддини Балхӣ китоби «Шоҳнома» тақдим мегардад
Симпозиуми байналмилалии «Хутали қадим- пойгоҳи зуҳури забони тоҷикӣ, тамаддуни бостонӣ ва ирфонии минтақаи Осиёи Марказӣ» баргузор мегардад
Дар Ҷумҳурии Мардумии Чин дуюмин Ассамблеяи умумии Эътилофи мероси Осиё баргузор гардид
Филми «Моҳӣ дар шаст» дар синамоҷашнвораи «Парвонаи алмосӣ» ба сегонаи беҳтаринҳо роҳ ёфт
«ФУРӮҒИ СУБҲИ ДОНОӢ КИТОБ АСТ». Имрӯз довталабони озмун барои «Шоҳҷоиза» рақобат менамоянд
Дар намоишгоҳи байналмилалии Пекин нигораҳои нодири Тоҷикистонро беш аз 1 миллион нафар тамошо намуданд
Довталабони даври ниҳоии Озмуни ҷумҳуриявии «Фурӯғи субҳи доноӣ китоб аст» бо адибон вохӯрӣ намуданд
