Миёни Тоҷикистон ва Афғонистон дар мавзеи Кокул-Ойхонум сохтмони пул оғоз мегардад
ДУШАНБЕ, 08.05.2021 /АМИТ «Ховар»/. Сохтмони шашумин пул байни Тоҷикистон ва Афғонистон дар мавзеи Кокули ноҳияи Фархори Тоҷикистон ва мавзеи Ойхонуми вилояти Тахори Афғонистон оғоз меёбад.
Вазорати нақлиёти Тоҷикистон иттилоъ медиҳад, ки дар ин робита дар Душанбе ҷаласаи маҷозӣ вобаста ба масъалаҳои дастгирии ҳамкорӣ ва имконият барои рушди иқтисодии минтақавӣ баргузор гардид.
Дар он Вазири нақлиёти Тоҷикистон Азим Иброҳим, Вазири иқтисоди Афғонистон Карима Хамед Форёбӣ, масъулини вилоятҳои Хатлон ва Тахор, намояндагони Фонди Оғохон шарикони рушд ва роҳбари намояндагии Иттиҳоди Аврупо иштирок намуданд.
Вазири нақлиёти Тоҷикистон Азим Иброҳим зикр намуд, ки дар натиҷаи тавсеаи ҳамкории судманд бо шарикони рушд ва бо дастгирӣ ва сармоягузории онҳо намояндагии Фонди Оғохон дар Тоҷикистон сохтмони пули шашуми байни Тоҷикистон ва Афғонистон дар мавзеи Кокули ноҳияи Фархори Тоҷикистон ва мавзеи Ойхонуми вилояти Тахори Афғонистонро оғоз менамояд.
Ҳадафи сохтмони пулҳо байни ду кишвар- ин таъмини инфрасохтори зарурӣ, рушди тиҷорати наздисарҳадӣ, рафтуомади бемамониати шаҳрвандон, табодули беҳтарин дастовардҳои кишварҳо, таҷриба, хизматрасонӣ, таҳкими муносибатҳои дуҷониба ва бо ин тартиб баланд бардоштани сатҳи некуаҳволии сокинони ноҳияҳои ҳаммарз ва минтақаи ду кишвари ҳамҷавор мебошад.
БА ТАВАҶҶУҲИ РОНАНДАГОН! Набудани бимаи суғурта ва корти ташхиси техникӣ минбаъд тавассути дурбинҳо сабт карда мешавад
Ҳамкории Тоҷикистон ва Олмон дар самти рушди инноватсия ва технологияҳои рақамӣ баррасӣ гардид
Масато Канда: «БОР 1,1 миллиард доллари ИМА-ро ба татбиқи Стратегияи нави шарикӣ бо Тоҷикистон барои солҳои 2026–2030 ҷалб менамояд»
Иқтидори сайёҳии Тоҷикистон дар Намоишгоҳи байналмилалии сайёҳии «ITB Berlin 2026» муаррифӣ мегардад
Ҷаласаи чордаҳуми Комиссияи муштараки байниҳукуматии Тоҷикистон ва Туркманистон баргузор гардид
Татбиқи «Стратегияи Бонки Осиёии Рушд барои Тоҷикистон дар давраи солҳои 2026–2030» оғоз мегардад
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Шумораи умумии субъектҳои хоҷагидор дар Тоҷикистон ба 381 ҳазор адад расид
Ҳайати Туркманистон барои иштирок дар ҷаласаи Комиссияи муштараки байниҳукуматии Тоҷикистон ва Туркманистон ба Душанбе омад
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
